Ульрыка Паш

У Вікіпедыі ёсць артыкулы пра іншых людзей з прозвішчам Паш.

Ульрыка Фрэдрыка Паш (шведск.: Ulrika Fredrika Pasch; 10 ліпеня 1735, Стакгольм — 2 красавіка 1796) — шведская мастачка, партрэтыстка і мініяцюрыстка жанра ракако, член Шведскай Каралеўскай акадэміі свабодных мастацтваў.

Ульрыка Паш
шведск.: Ulrika Pasch
Імя пры нараджэнні	Ulrika Fredrica Pasch
Дата нараджэння	10 ліпеня 1734(1734-07-10)[1]
Месца нараджэння	прыход Якуба і Яна[d], Швецыя
Дата смерці	2 красавіка 1796(1796-04-02)[2][3] (61 год)
Месца смерці	Riddarholmens parish[d], Швецыя[2][3]
Грамадзянства	Швецыя[4]
Бацька	Лорэнц Паш Старэйшы[d][2]
Род дзейнасці	мастачка
Жанр	партрэт
Мастацкі кірунак	ракако
Член у	Каралеўская акадэмія вольных мастацтваў[2]
Медыяфайлы на Вікісховішчы

Біяграфія

Нарадзілася ў сям’і шведскага мастака-партрэтыста Лорэнца Паша Старэйшага (1702—1766) і Ганны Хелены Бэкман. Дзед, мастак Данкварт Паш пераехаў у Стакгольм з Любека і валодаў мастацкай студыяй. Пасля яго смерці ў 1927 годзе студыяй распараджалася бабуля з бацькавага боку Джудзіт Ларсдотэр, пакуль маёмасць не перайшла да дзядзькі Ульрыкі, Ёхана Паша^[5]. Старэйшыя браты Ёхан Паш Малодшы, Лорэнс Паш Малодшы і стрыечная сястра Маргарэт Стахфель таксама былі мастакамі.

З дзяцінства Ульрыка валодала талентам да малявання і жывапісу. Як і брат Ларэнса, вучылася ў свайго бацькі. У 1750-х гадах, калі Ларэнс навучаўся за мяжой на стыпендыю, кар’ера бацькі-жывапісца рэзка пагоршылася, таму што ён не мог адаптавацца да папулярнага тады стылю ракако. Пасля смерці маці ў 1756 Ульрыка стала ахмістрыняй у доме ювеліра Густава Стафеля, мужа яе цёткі. Ён звярнуў увагу на талент 15-гадовай дзяўчыны і даў ёй магчымасць практыкавацца ў жывапісе. У выніку яна праз шэсць гадоў стала прафесійнай партрэтысткай і магла матэрыяльна дапамагаць бацьку і малодшай сястры Хедвіг Луізе. Пасля смерці бацькі ў 1766 Ульрыка, забраўшы да сябе сястру, адкрыла ўласную студыю^[6].

Да часу вяртання брата ў Стакгольм у 1766 годзе яна ўжо больш за 10 гадоў была прафесійным мастаком і яе прэстыж як партрэтысткі быў высокі; да яе паступалі заказы як ад прадстаўнікоў заможнага сярэдняга класа, так і з арыстакратыі.

Ульрыка часта працавала з братам. Іх адносіны апісваюцца як супрацоўніцтва, заснаванае на ўзаемнай павазе і гармоніі. Яны дзялілі сваю студыю і дапамагалі адзін аднаму ў працы, а іх сястра Хедвіг Луіза вяла гаспадарку.

Пасля стварэння ў 1773 Каралеўскай Акадэміі свабодных мастацтваў яна стала першай жанчынай сярод акадэмікаў^[7]. У Акадэмію яна была прынятая ў адзін дзень з братам. У Акадэміі лічылі, што яе членства больш, чым заслужана. Аднак, у адрозненне ад сваіх калегаў-мужчын, яна так і не атрымала пенсію ад каралеўскай сям’і, нягледзячы на неаднаразовыя звароты.

Галерэя

• 
  Прынцэса Сафія Альберціна
• 
  Партрэт Карла Готфрыда Кюселя
• 
  Партрэт Катарыны Крысціны Кюсель
• 
  Партрэт Даратэі Элізабет Шульц
• 
  Партрэт Эрыка Магнуса Сталя фон Хольстэйна
• 
  Партрэт герцага Фердынанда Фредерыка Аўгустаса
• 
  Партрэт Фрэдрыкі Сван
• 
  Партрэт Крысціны Сафіі Сільверскёльд

Зноскі

1. Ulrika Fredrika Pasch

   <a href='https://wikidata.org/wiki/Track:Q17299517'></a>
2. Ulrica F Pasch — 1917.

   <a href='https://wikidata.org/wiki/Track:Q379406'></a><a href='https://wikidata.org/wiki/Track:Q1724971'></a>
3. Riddarholmens kyrkoarkiv, Död- och begravningsböcker, SE/SSA/0013/F I/1 (1738-1807), bildid: C0055345_00122 Праверана 26 жніўня 2020.

   <a href='https://wikidata.org/wiki/Track:Q64166606'></a><a href='https://wikidata.org/wiki/Track:Q10478639'></a>
4. artist list of the National Museum of Sweden — 2016.

   <a href='https://wikidata.org/wiki/Track:Q16323066'></a><a href='https://wikidata.org/wiki/Track:Q22681075'></a>
5. En mamsell i akademien. Ulrica Fredrica Pasch och 1700-talets konstvärld. av Anna Lena Lindberg, Stockholm: Signum, 2010. ISBN 978-91-86221-05-8
6. Delia Gaze (January 1997). Dictionary of Women Artists: Artists, J-Z. Taylor & Francis. p. 49. ISBN 978-1-884964-21-3.
7. Svenskt konstnärslexikon [Swedish Art dictionary] (in Swedish). Malmö: Allhems Förlag. 1952.