Ульян Аляксандравіч Рыбак

У Вікіпедыі ёсць артыкулы пра іншых людзей з прозвішчам Рыбак.

Ульян Аляксандравіч Рыба́к (1 студзеня 1920, вёска Яўсеевічы, Гомельская губерня — 14 жніўня 2009, вёска Завалочыцы, Глускі раён) — удзельнік Вялікай Айчыннай вайны, Герой Савецкага Саюза (1945). Удзельнік Парада Перамогі ў Маскве.

Ульян Аляксандравіч Рыбак
Дата нараджэння	1 студзеня 1920(1920-01-01)
Месца нараджэння	Яўсеевічы, Бабруйскі павет, Гомельская губерня, РСФСР
Дата смерці	14 жніўня 2009(2009-08-14) (89 гадоў)
Месца смерці	Завалочыцы, Завалочыцкі сельсавет, Глускі раён, Магілёўская вобласць, Беларусь
Месца пахавання	Завалочыцы
Грамадзянства	СССР
Прыналежнасць	СССР
Род войскаў	пяхота
Гады службы	1940—1945
Званне	старшына
Камандаваў	узвод
Бітвы/войны	Вялікая Айчынная вайна
Узнагароды і званні	Ордэн Славы Ордэн Славы Юбілейны медаль «Сорак гадоў перамогі ў Вялікай Айчыннай вайне 1941—1945 гг.»

Біяграфія

У. А. Рыбак нарадзіўся ў вёсцы Яўсеевічы Гомельскай губерні (зараз у Глускім раёне Магілёўскай вобласці). Да 1935 г. працаваў на шклозаводзе «Камінтэрн» ў Бабруйскім раёне, потым на Завалочыцкім спіртзаводзе. У 1940 г. прызваны ў Чырвоную Армію. Службу праходзіў у Карэліі. З 1941 г. на Ленінградскім, Варонежскім, Цэнтральным, 1-м і 4-м Украінскім франтах. Памочнік камандзіра разведвальнага ўзвода старшына У. А. Рыбак вызначыўся ў снежні 1944 г. у час разведкі сіл праціўніка ў Карпатах. З разведчыкамі ўзвода знішчыў 75 і ўзяў у палон 40 гітлераўцаў, здабыў каштоўныя звесткі пра ворага. За вайну захапіў 57 «языкоў», знішчыў 10 танкаў і больш за 200 гітлераўцаў.

Пасля вайны жыў у вёсцы Завалочыцы. Да 1979 г. працаваў на Завалочыцкім спіртзаводзе. Памёр 14 жніўня 2009 г. Пахаваны на могілках у вёсцы Завалочыцы^[1].

Узнагароды

• Медаль «Залатая Зорка»
• Ордэн Леніна
• Ордэн Чырвонага Сцяга
• 2 ордэны Айчыннай вайны 1-й ступені
• Ордэн Чырвонай Зоркі
• Ордэн Славы 2-йступені
• Ордэн Славы 3-й ступені
• Медаль «За адвагу»
• Медаль «За баявыя заслугі»
• Ордэн Рэспублікі Беларусь «За службу Радзіме» 3-й ступені
• Медаль «За перамогу над Германіяй у Вялікай Айчыннай вайне 1941—1945 гг.»

і інш.

Памяць

Імем Героя названа вуліца ў гарадскім пасёлку Глуск^[1].

Зноскі

1. Ульян Аляксандравіч Рыбак на сайце «Героі краіны»