Гомельская губерня

Гомельская губерня — былая губерня ў складзе РСФСР.

Гомельская губерня
Краіна	СССР
Уваходзіць у	РСФСР
Адміністрацыйны цэнтр	Гомель
Дата ўтварэння	26 красавіка 1919
Дата скасавання	снежань 1926
Медыяфайлы на Вікісховішчы

Утворана 26 красавіка 1919 года (рашэнне зацверджана 11 ліпеня) з 9 паветаў ліквідаванай Магілёўскай губерні, 1 павета Мінскай губерні і 4 паветаў Чарнігаўскай губерні.

Заснаванне Гомельскай губерні. 26.4.1919

Гомельская губерня пасля першага ўзбуйнення БССР

Першапачаткова падзялялася на 14 паветаў:

• Аршанскі павет
• Быхаўскі павет
• Гомельскі павет
• Горацкі павет
• Клімавіцкі павет
• Магілёўскі павет
• Мглінскі павет з Почапскім раёнам
• Навазыбкаўскі павет
• Рагачоўскі павет
• Рэчыцкі павет
• Старадубскі павет
• Суражскі павет
• Чавускі павет
• Чэрыкаўскі павет

Ліквідацыя Гомельскай губерні пасля другога ўзбуйнення БССР

У 1920 г. Аршанскі павет адышоў да Віцебскай губерні. У 1921 г. Суражскі павет быў пераназваны ў Клінцоўскі. У 1922 г. Горацкі павет адышоў да Смаленскай губерні. 4 мая 1922 г. Мглінскі і Чэрыкаўскі паветы былі скасаваны, утвораны новы Почапскі павет, які 5 мая 1923 г. пастановай Прэзідыума УЦВК быў перададзены Бранскай губерні.

У 1923 г. Быхаўскі, Клімавіцкі і Чэрыкаўскі паветы былі скасаваны, утвораны Калінінскі павет.

У сакавіку 1924 г. Калінінскі, Магілёўскі і Рагачоўскі паветы былі перададзены ў склад БССР.

У снежні 1926 г. Гомельская губерня была скасавана: Гомельскі і Рэчыцкі паветы далучылі да БССР, Клінцоўскі, Навазыбкаўскі, Старадубскі — да Бранскай губерні РСФСР.