Універсітэт гары Святога Вінцэнта

Універсітэт гары Святога Вінцэнта (англ.: Mount Saint Vincent University) — канадская дзяржаўная вышэйшая навучальная ўстанова са статусам універсітэта, якая месціцца ў горадзе Галіфакс у правінцыі Новая Шатландыя, Канада.

Універсітэт гары Святога Вінцэнта
англ.: Mount Saint Vincent University
Арыгінальная назва	англ.: Mount Saint Vincent University
Заснаваны	1873
Краіна	Канада
Размяшчэнне	Галіфакс, Новая Шатландыя, Канада
Сайт	msvu.ca
Медыяфайлы на Вікісховішчы

Агульная характарыстыка

Універсітэт быў заснаваны ў 1873 годзе жаночым каталіцкім ордэнам Дачок хрысціянскай міласэрнасці Святога Вінцэнта дэ Поля як жаночы каледж. У 1912 годзе былі адкрыты ўніверсітэцкія курсы для жанчын, а з 1914 года каледж пачаў супрацоўнічаць з Далхаўзскім універсітэтам. У 1925 годзе вучэльня атрымала дазвол надаваць свае ўласныя акадэмічныя ступені. У 1966 годзе назва была зменена на сучасную, і ўніверсітэт стаў дзяржаўнай установай вышэйшай адукацыі. З 1967 года на навучанне ва ўніверсітэт прымаюцца і мужчыны.

Універсітэт прапануе пераважна праграмы бакалаўрыяту ў галіне мастацтва, прыродазнаўчых навук, адукацыі і прафесійных студый, а таксама праграму аспірантуры ў галіне педагагогікі ў рамках сумеснай ініцыятывы з Універсітэтам Святога Францыска Ксаверыя і Універсітэтам «Акадыя». Універсітэт з'яўляецца лідарам у галіне анлайн-адукацыі, прапаноўваючы мноства анлайн-праграм бакалаўрыяту і магістратуры.

Спасылкі

• На Вікісховішчы ёсць медыяфайлы па тэме Універсітэт гары Святога Вінцэнта
• Афіцыйная інтэрнэт-старонка ўстановы