Флавія Максіма Фауста

Фла́вія Ма́ксіма Фау́ста (лац.: Flavia Maxima Fausta; Рым, 289 ці 290 — Рым, 326) — жонка Канстанціна I Вялікага ў 307—326 гадах, дачка рымскага імператара Максіміяна, маці Канстанціна II, Канстанцыя II і Канстанта.

Флавія Максіма Фауста
рымская імператрыца[d] 307 — 326
Нараджэнне	каля 289 Рым, Рымская імперыя
Смерць	326[1] ці 329 Рым, Рымская імперыя
Род	Дынастыя Канстанціна
Бацька	Максіміян
Маці	Еўтрапія[d]
Муж	Канстанцін I Вялікі
Дзеці	Канстанціна[d], Канстанцый II, Канстанцін II, Канстант і Алена[d]
Медыяфайлы на Вікісховішчы

У Вікіпедыі ёсць артыкулы пра іншых людзей з імем Флавія.

Біяграфія

Каб умацаваць саюз з Максіміянам, Канстанцін I ажаніўся з Фаустай і прызнаў яе брата Максенцыя ў якасці аўгуста.

Фауста мела дачыненне да звяржэння свайго бацькі. У 310 годзе Максіміян вырашыў уцягнуць дачку ў змову супраць яе мужа, але яна расказала пра змову Канстанціну, і забойства не ўдалося. У тым жа годзе Максіміян скончыў жыццё самагубствам.

Канстанцін вельмі паважаў Фаусту, і ў 323 годзе ёй быў дадзены тытул аўгусты, да гэтага яна насіла тытул «Найвысакародная дама» (лац.: Nobilissima Femina). Але ў 326 годзе Фауста была забіта Канстанцінам. Паводле некаторых крыніц, яна абвінаваціла сына Канстанціна Крыспа ў гвалце, і Канстанцін пакараў таго смерцю. Але калі высвятлілася яго невінаватасць, Канстанцін пакараў смерцю Фаусту, «сапхнуўшы яе ў гарачую ваду ў бане»^[2]. Паводле паведамлення Філасторгія яна была абвінавачана ў пралюбадзействе з нейкім Курсорам^[3]. Некаторыя даследчыкі лічаць, што Фауста жадала пазбавіцца ад Крыспа, з прычыны таго, што ён быў супернікам у барацьбе за ўладу для яе сыноў. Пазней Канстанцін аддаў Фаусту праклёну памяці (damnatio memoriae). Характэрна, што яе сыны, калі сталі імператарамі, пакінулі гэты праклён у сіле.

Зноскі

1. (not translated to grc) Νέα Ἱστορία — 0444.

   <a href='https://wikidata.org/wiki/Track:Q19904212'></a><a href='https://wikidata.org/wiki/Track:Q226858'></a>
2. Аўрэлій Віктар. Выманні. XLI.12.
3. Філасторгій. II. 4.