Франчэска Тоці

Франчэска Тоці (італ.: Francesco Totti; нар. 27 верасня 1976, Рым) — італьянскі прафесійны футбаліст, нападнік. Усю кар’еру, з 1992 па 2017 год, выступаў за футбольны клуб «Рома», дзе доўгі час быў капітанам. У складзе рымскага клуба чэмпіён Італіі 2001 і пераможца Кубка Італіі 2007. Чэмпіён свету 2006 года і віцэ-чэмпіён Еўропы 2000 года ў складзе нацыянальнай зборнай Італіі, таксама гуляў на чэмпіянаце свету 2002 і чэмпіянаце Еўропы 2004 года. Двойчы, у 2001 і 2004 годзе, прызнаваўся найлепшым іграком года ў Італіі. Зрабіў вялікі ўнёсак у перамогу моладзевай зборнай Італіі на чэмпіянаце Еўропы 1995 года. У асноўнай камандзе дэбютаваў у 1998 годзе. Уваходзіць у спіс 125 найлепшых футбалістаў свету, названам легендарным бразільскім футбалістам Пеле ў сакавіку 2004 года. З дзейсных футбалістаў Тоці забіў больш за ўсіх галоў у Серыі A — 250 (станам на 1 лістапада 2016 года).

Франчэска Тоці
Агульная інфармацыя
Мянушка	Імператар Рыма
Нарадзіўся	27 верасня 1976(1976-09-27) (48 гадоў) Рым, правінцыя Рым, Лацыа, Італія
Грамадзянства	Італія
Рост	180 см[1]
Вага	82 кг[1]
Пазіцыя	нападнік
Маладзёжныя клубы
1983—1984 Фарцітуда Лудзітар 1984—1986 Сміт Трастэверэ 1986—1989 Ладзіджані 1989—1992 Рома
Клубная кар’ера[* 1]
1992—2017 Рома 619 (250)
Нацыянальная зборная[* 2]
1992 Італія (да 15) 6 (3) 1991—1992 Італія (да 16) 13 (2) 1993—1995 Італія (да 18) 14 (7) 1995—1997 Італія (да 21) 8 (4) 1997 Італія (да 23) 3 (0) 1998—2006 Італія 58 (9) Дзяржаўныя ўзнагароды Афіцэр ордэна «За заслугі перад Італьянскай Рэспублікай»
Узнагароды і медалі
Чэмпіянаты свету Золата Германія 2006 Чэмпіянаты Еўропы Срэбра Бельгія/Нідэрланды 2000
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 17 чэрвеня 2017. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

У маі 2017 года абвясціў, што па заканчэнні сезону пакідае «Рому»^[2]. Некаторы час пакідаў магчымасць працягнуць кар’еру ў іншым чэмпіянаце, але ў ліпені 2017 абвясціў аб завяршэнні кар’еры і перайшоў на адміністрацыйную працу ў «Рому»^[3].

Узнагароды

• Афіцэр ордэна За «заслугі перад Італьянскай Рэспублікай» (2006)
• Кавалер ордэна За «заслугі перад Італьянскай Рэспублікай» (2000)

Дасягненні

• Уваходзіць у спіс ФІФА 100
• Чэмпіён Італіі 2001
• Уладальнік Кубка Італіі 2007, 2008
• Чэмпіён свету 2006
• Залатая буца 2007 года