Фёдар Іларыёнавіч Мачалаў

У Вікіпедыі ёсць артыкулы пра іншых людзей з прозвішчам Мачалаў.

Фё́дар Іларыё́навіч Мача́лаў (1915, в. Лозы Курскай вобласці, Расійская імперыя — 29 снежня 1941, каля Таржка Цвярской вобласці, РСФСР, СССР) — савецкі пілот-знішчальнік, удзельнік баёў на тэрыторыі Беларусі ў гады Другой сусветнай вайны.

Фёдар Іларыёнавіч Мачалаў
руск.: Фёдор Илларионович Мочалов
Дата нараджэння	1915
Месца нараджэння	Лозы[d], Дзмітрыеўскі павет[d], Курская губерня, Расійская імперыя
Дата смерці	29 снежня 1941(1941-12-29)
Месца смерці	Таржок, Таржоцкі раён, Калінінская вобласць, РСФСР, СССР
Прыналежнасць	СССР
Род войскаў	авіяцыя
Гады службы	1939—1941
Званне	капітан
Часць	33-і знішчальны авіяцыйны полк 5-ы гвардзейскі знішчальны авіяцыйны полк

Біяграфія

Нарадзіўся ў 1915 годзе ў вёсцы Лозы Сожнаўскага раёна Курскай вобласці^[1] (паводле іншых звестак у вёсцы Верхнія Лозы Белгародскай вобласці^[2]).

Скончыў адэскае вучылішча лётчыкаў (1939).

22 чэрвеня 1941 года, у першы дзень нямецкага ўварвання ў Беларусь, намеснік камандзіра эскадрыллі 33-га авіяцыйнага палка Фёдар Мачалаў адным з першых збіў варожы самалёт-разведчык^[3]. Са жніўня 1941 — капітан, камандзір звяна ў складзе 129-га знішчальнага авіяцыйнага палка (пазней пераўтвораны ў 5-ы гвардзейскі знішчальны авіяцыйны полк^[4]). У выніку штурмавых дзеянняў з удзелам Мачалава было знішчана 15 самалётаў, 7 цыстэрнаў з палівам, 10 агнявых пунктаў, 12 аўтамашын з грузам і 700 вайскоўцаў.

Загінуў 29 снежня^[1] (або 26 снежня^[2]) 1941 у раёне Таржка пры спробе пасадзіць ЛаГГ-3, у якога спыніўся матор^[3]. Пахаваны ў вёсцы Залазіна Новакарэльскага раёна Калінінскай вобласці, перазахаваны ў братэрскую магілу ля вёскі Талмачы Ліхаслаўльскага раёна Цвярской вобласці^[5]. Указам № 102 ад 28 сакавіка 1942 узнагароджаны ордэнам Леніна (пасмяротна).

Памяць

Імя Фёдара Мачалава носіць вуліца ў Пружанах Брэсцкай вобласці, дзе ён служыў на пачатку вайны.

Зноскі

1. Федор Илларионович Мочалов (руск.). Личный состав. Авиаторы Второй мировой (28 лістапада 2011).
2. Мочалов Фёдор Илларионович (1911 — январь 1942) // Их именами названы…: Энцикл. справочник. — Мн.: БелСЭ, 1987. — С. 435. — 30 000 экз.
3. А. И. Лавейкин.. Воспоминания участника Великой Отечественной Войны Героя Советского Союза генерал-майора авиации Лавейкина Ивана Павловича (руск.). История. ВВС России (28 лістапада 2011).
4. 129-й истребительный авиационный полк -> 5-й гвардейский истребительный авиационный Берлинский Краснознаменный ордена Богдана Хмельницкого полк (руск.). Авиаторы Второй мировой (28 лістапада 2011).
5. Лихославльский район. Cписок воинов, погибших, умерших от ран (болезней) и захороненных на территории Тверской области, на которых отсутствуют сведения о призыве, месте рождения и проживании родственников // Книга памяти Лихославльского района. — Т. 11. Архівавана 15 верасня 2021.