Фізаліс

Фізалі́с, Махунка^[1] (Physalis) — род кветкавых раслін сямейства Паслёнавыя (Solanaceae).

Фізаліс
Фізаліс перуанскі (Physalis peruviana)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Паслёнакветныя Сямейства:  Паслёнавыя Падсямейства:  Паслёнавыя Трыба:  Physaleae Падтрыба:  Physalinae Род:  Фізаліс
Міжнародная навуковая назва
Physalis L., Sp. Pl. 1: 182 (1753)
Сістэматыка на Віківідах Выявы на Вікісховішчы ITIS   30587 NCBI   24663 EOL   38332 IPNI   329952-2 FW   97714

Назва

Назва паходзіць ад грэч. φυσαλίς, ці «пузыр», што добра характарызуе пузырападобную чашачку (ліхтарык), у якой схаваны плод.

Апісанне

Аднагадовыя і шматгадовыя травяністыя расліны з прамастойнымі або ряспасцёртымі сцёбламі вышынёй 20—100 см. Лісце яйцападобна-авальнае, суцэльнае. Кветкі белыя ці жаўтаватыя, з цёмна-фіялетавымі плямамі, дробныя, на паніклых кветаножках, у суквецці звіліна. Плод — ягада, замкнёная ў пухірападобную чашачку (ліхтарык).

Распаўсюджанне

Адрозніваецца каля 100 відаў. Пашыраны ў тропіках і субтропіках, пераважна ў Амерыцы. У культуры 3 віды: мексіканскі тамат, ці фізаліс ліпкаплодны (Physalis philadelphica), фізаліс перуанскі, ці перуанская вішня (Physalis peruviana) і фізаліс сунічны, ці апушаны (Physalis pubescens). На тэрыторыі Беларусі фізаліс звычайны (Physalis alkekengi) як заносны від трапляецца на звалках, каля жылля.

Выкарыстанне

Некаторыя віды культывуюцца як дэкаратыўныя і гароднінныя расліны. Плады культурных відаў спажываюць у ежу. Лекавыя расліны.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 96. — 160 с. — 2 350 экз.