Філіпі Каўтынью

Філі́пі Каўты́нью Карэ́я^[4] або Філіпэ Каўтынья (парт.: Philippe Coutinho Correia, [fiˈlipi kowˈtʃĩj̃u]; нар. 12 чэрвеня 1992, Рыа-дэ-Жанэйра) — бразільскі футбаліст, паўабаронца катарскага клуба «Аль-Дуайль» (у арэндзе з «Астан Вілы») і нацыянальнай зборнай Бразіліі.

Філіпі Каўтынью
Агульная інфармацыя
Поўнае імя	Філіпі Каўтынью Карэя
Мянушка	Маленькі Чараўнік (англ.: Little Magician), Маленькі Геній
Нарадзіўся	12 чэрвеня 1992(1992-06-12)[1][2][…] (33 гады) Рыа-дэ-Жанэйра, штат Рыа-дэ-Жанэйра, Бразілія
Грамадзянства	Бразілія
Рост	172 см[3]
Вага	68 кг[3]
Пазіцыя	атакавалы паўабаронца
Інфармацыя пра клуб
Клуб	Аль-Дуайль
Нумар	10
Маладзёжныя клубы
1999—2008 Васка да Гама
Клубная кар’ера[* 1]
2008—2010 Васка да Гама 19 (1) 2010—2013 Інтэрнацыянале 28 (3) 2012 →  Эспаньёл 16 (5) 2013—2018 Ліверпул 152 (41) 2018—2022 Барселона 76 (17) 2019—2020 →  Баварыя 23 (8) 2022 →  Астан Віла 19 (5) 2022— Астан Віла 22 (1) 2023— →  Аль-Дуайль
Нацыянальная зборная[* 2]
2009—2010 Бразілія (да 17) 5 (3) 2011—2013 Бразілія (да 20) 7 (3) 2010— Бразілія 68 (21)
Узнагароды і медалі
Кубкі Амерыкі Золата Бразілія 2019
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 верасня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 9 верасня 2023
Медыяфайлы на Вікісховішчы

Клубная кар’ера

Займацца футболам Філіпі пачаў у сістэме клуба «Васка да Гама». У 2008 годзе, у 16-гадовым узросце, быў набыты італьянскім «Інтэрам» за €4 мільёны^[5], аднак да 18-годдзя заставаўся ў «Васка» на ўмовах арэнды.

Каўтынью ў «Інтэры»

Афіцыйны дэбют за «нерадзуры» адбыўся 27 жніўня 2010 года ў прайграным матчы Суперкубку УЕФА з іспанскім «Атлетыка», дзе Каўтынью выйшаў на замену. 8 мая 2011 года ігрок забіў першы гол за «Інтэр» у хатнім матчы супраць «Фіярэнціны».

У сезоне 2011/12 Філіпі Каўтынью быў вымушаны змагацца за месца ў асноўным складзе і ўрэшце быў аддадзены ў арэнду ў «Эспаньёл» да канца сезона. 4 лютага 2012 года Каўтынью ўпершыню выйшаў на поле ў яго складзе, а 11 сакавіка забіў два галы ў браму «Рая Вальекана».

30 студзеня 2013 года англійскі «Ліверпул» абвясціў пра падпісанне доўгатэрміновага кантракту з іграком, які атрымаў вопратку з 10 нумарам.

Першы матч за ліверпульскі клуб Філіпі правёў 11 лютага 2013 года, выйшаўшы на замену на 78 хвіліне. А менш як праз тыдзень, 17 лютага, ён забіў за «Ліверпул» першы гол^[6]. Хутка здолеў стаць адным з лідараў мерсісайдцаў.

У жніўні 2017 года цікавасць да іграка стала праяўляць «Барселона», аднак «Ліверпул» адмовіўся прадаваць іграка, і сезон 2017/18 Каўтынью пачаў у англійскім клубе. У студзені 2018 года ўсё ж перайшоў у каталонскі клуб за 120 млн еўра плюс 40 млн еўра ў якасці магчымых бонусаў^[7].

У жніўні 2019 года быў аддадзены ў арэнду ў мюнхенскую «Баварыю» на сезон з правам выкупу^[8]. Разам з нямецкім клубам перамог у Лізе чэмпіёнаў. Па выніках сезона «Баварыя» адмовілася набываць футбаліста, і ў верасні 2020 года Каўтынью вярнуўся ў «Барселону»^[9].

У студзені 2022 года быў арандаваны «Астан Вілай» да канца сезона з правам выкупу^[10]. У маі 2022 года быў выкуплены бірмінгемскім клубам і падпісаў кантракт да 2026 года^[11].

У верасні 2023 года на праваха арэнды далучыўся да катарскага клуба «Аль-Дуайль».

Міжнародная кар’ера

Філіпі Каўтынью дапамог юнацкай зборнай перамагчы на чэмпіянаце Паўднёвай Амерыкі 2009, забіўшы тры мячы. У наступным годзе ён дэбютаваў за дарослую зборную ў таварыскім матчы з Іранам^[12].

Дасягненні

«Васка да Гама»

• Пераможца Серыі B: 2009

«Інтэрнацыянале»:

• Уладальнік Кубка Італіі: 2011
• Уладальнік Суперкубка Італіі: 2010

«Барселона»:

• Чэмпіён Іспаніі (2): 2018, 2019
• Уладальнік Кубка Іспаніі: 2018
• Уладальнік Суперкубка Іспаніі: 2018

«Баварыя»:

• Чэмпіён Германіі: 2020
• Уладальнік Кубка Германіі: 2020
• Пераможца Лігі чэмпіёнаў: 2020

Зборная Бразіліі:

• Уладальнік Кубка Амерыкі: 2019