Філіп Младэнавіч

Філіп Младэнавіч (сербск.: Филип Младеновић, нар. 15 жніўня 1991, Чачак, Сербія) — сербскі футбаліст, абаронца грэчаскага клуба «Панатынаікос» з Афінаў і нацыянальнай зборнай Сербіі.

Філіп Младэнавіч
Агульная інфармацыя
Нарадзіўся	15 жніўня 1991(1991-08-15)[1][2] (34 гады) Чачак, абшчына Чачак[d], Рэспубліка Сербія[d], СФРЮ[3]
Грамадзянства	Сербія
Рост	180 см
Вага	65 кг
Пазіцыя	абаронца
Інфармацыя пра клуб
Клуб	Панатынаікос
Нумар	25
Клубная кар’ера[* 1]
2010—2011 Борац (Чачак) 31 (0) 2012—2013 Црвена Звезда (Бялград) 42 (2) 2014—2015 БАТЭ (Барысаў) 47 (4) 2016 Кёльн 16 (0) 2017 Стандард (Льеж) 5 (0) 2018—2020 Лехія (Гданьск) 74 (3) 2020—2023 Легія (Варшава) 74 (13) 2023— Панатынаікос
Нацыянальная зборная[* 2]
2011—2012 Сербія (да 21) 10 (0) 2012— Сербія 22 (1)
Узнагароды і медалі
Дзяржаўныя і ведамасныя ўзнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 чэрвеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 27 сакавіка 2023

Клубная кар’ера

Кар’еру пачынаў у клубе «Борац» з роднага горада Чачак. 17 снежня 2011 года перайшоў у сталічную «Црвену Звезду»^[4].

У лютым 2014 года, разарваўшы кантракт з «Црвенай Звездай», стаў іграком барысаўскага БАТЭ^[5]. У першым жа афіцыйным матчы за барысаўчан 15 сакавіка 2014 года супраць «Мінска» за Суперкубак Беларусі адзначыўся голам са штрафнога, які ў выніку прынёс БАТЭ трафей (1:0). Неўзабаве замацаваўся ў стартавым складзе БАТЭ на пазіцыі левага абаронцы.

У сезоне 2015 стаў часцей далучацца да дзеянняў у атацы; 29 верасня 2015 года ў матчы Лігі чэмпіёнаў супраць «Ромы» аформіў дубль (выніковы лік 3:2). Выдатны выступ у Лізе чэмпіёнаў выклікаў цікавасць да Младэнавіча еўрапейскіх клубаў, у тым ліку італьянскага «Мілана»^[6].

5 студзеня 2016 года Младэнавіч падпісаў кантракт з нямецкім «Кёльнам» да чэрвеня 2019 года. Сума трансферу склала 1,5 млн еўра^[7]. У сезоне 2015/16 трывала гуляў у аснове «Кёльна», але ў сезоне 2016/17 страціў месца ў складзе, правёўшы ўсяго два матчы. У снежні 2016 года перайшоў у льежскі «Стандард»^[8], аднак не здолеў замацавацца ў аснове, правёў за клуб усяго 5 матчаў, у сезоне 2017/18 увогуле не з’яўляўся на полі.

У студзені 2018 года стаў іграком гданьскай «Лехіі»^[9], дзе стаў асноўным іграком, дапамог клубу заваяваць Кубак і Суперкубак Польшчы. У ліпені 2020 года ў якасці свабоднага агента перайшоў у варшаўскую «Легію»^[10].

У чэрвені 2023 года падпісаў двухгадовы кантракт з грэчаскім «Панатынаікосам»^[11].

Міжнародная кар’ера

Гуляў за моладзевую зборную Сербіі. 31 мая 2012 года дэбютаваў у нацыянальнай зборнай Сербіі ў таварыскім матчы супраць Францыі (0:2).

Дасягненні

• 02 Срэбраны прызёр чэмпіянату Сербіі (2): 2011/12, 2012/13
• Уладальнік Кубка Сербіі: 2012
• 01 Чэмпіён Беларусі (2): 2014, 2015
• Уладальнік Кубка Беларусі: 2015
• Уладальнік Суперкубка Беларусі (2): 2014, 2015
• У спісе 22 найлепшых футбалістаў чэмпіянату Беларусі (2): 2014, 2015
• 01 Чэмпіён Польшчы: 2021
• 02 Срэбраны прызёр чэмпіянату Польшчы: 2023
• 03 Бронзавы прызёр чэмпіянату Польшчы: 2019
• Уладальнік Кубка Польшчы (2): 2019, 2023
• Уладальнік Суперкубка Польшчы: 2019