Хаві Марцінес

У Вікіпедыі ёсць артыкулы пра іншых людзей з прозвішчам Марцінес.

Хаўер «Хаві» Марцінес Агінага (баскск.: Javier «Javi» Martínez Aguinaga; нар. 2 верасня 1988, Эстэлья, Іспанія) — іспанскі футбаліст (паводле нацыянальнасці з’яўляецца баскам), паўабаронца катарскага клуба «Катар» і нацыянальнай зборнай Іспаніі. Адзін з двух ігракоў у гісторыі сусветнага футбола, які перамагаў спачатку на чэмпіянаце свету па футболе, а затым на моладзевым чэмпіянаце Еўропы па футболе^[4].

Хаві Марцінес
Агульная інфармацыя
Поўнае імя	Хаўер Марцінес Агінага
Нарадзіўся	2 верасня 1988(1988-09-02)[1][2] (36 гадоў) Эстэлья[d], Навара, Іспанія
Грамадзянства	Іспанія
Рост	1,92 м[3]
Вага	89 кг[3]
Пазіцыя	цэнтральны паўабаронца / абаронца
Інфармацыя пра клуб
Клуб	Катар
Нумар	8
Маладзёжныя клубы
1993—1995 Берсеа 1995—1997 Лагроньес 1997—2000 Арэнас 2000 Ісара 2000—2005 Асасуна
Клубная кар’ера[* 1]
2005—2006 Асасуна B 32 (3) 2006—2012 Атлетык (Більбаа) 201 (22) 2012—2021 Баварыя (Мюнхен) 165 (9) 2021— Катар
Нацыянальная зборная[* 2]
2005 Іспанія (да 17) 5 (0) 2006—2007 Іспанія (да 19) 5 (0) 2007—2010 Іспанія (да 21) 14 (1) 2012 Іспанія (да 23) 4 (1) 2006—2010  Краіна Баскаў 2 (0) 2010—2014  Іспанія 18 (0)
Узнагароды і медалі
Чэмпіянаты свету Золата ПАР 2010 Кубкі канфедэрацый Срэбра Бразілія 2013 Чэмпіянаты Еўропы Золата Польшча/Украіна 2012
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 21 ліпеня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 21 ліпеня 2021
Медыяфайлы на Вікісховішчы

Клубная кар’ера

Марцінес з’яўляецца выхаванцам памплонскай «Асасуны». Сезон 2005/06 правёў у дублюючай камандзе. Трэнер «Асасуны» Хасэ Сіганда лічыў юніёра вельмі перспектыўным, параўноўваючы яго з французскім паўабаронцам Патрыкам Віейра.

Улетку 2006 года 17-гадовы Марцінес перайшоў у «Атлетык». Сума трансферу склала 6 млн еўра. Нягледзячы на юнацкі ўзрост, Хаві згуляў 35 матчаў і забіў 3 мячы. яго гульня і хуткая адаптацыя вырабілі станоўчае ўражанне на спецыялістаў. У наступных сезонах Марцінес працягнуў прагрэсаваць, праводзячы не менш траццаці матчаў за чэмпіянат.

Шырока ходзяць чуткі аб магчымым пераходзе Марцінеса ў больш прэстыжны клуб. У якасці пакупнікоў зваліся «Ліверпул»^[5], «Чэлсі»^[6] і «Фіярэнціна»^[7]. Агент футбаліста назваў прымальнай для трансферу суму ў 30 млн еўра. У 2010 годзе Марцінес быў прызнаны лепшым маладым іграком года паводле версіі часопіса «Don Balón».

У жніўні 2012 года Марцінес перайшоў у мюнхенскую «Баварыю».

У маі 2021 года стала вядома, што Хаві Марцінес пакідае «Баварыю» па заканчэнні кантракта, а ў чэрвені было абвешчана аб пераходзе паўабаронцы ў «Катар».

Міжнародная кар’ера

11 мая 2010 года настаўнік галоўнай зборнай Іспаніі Вісентэ дэль Боске ўключыў Марцінеса ў заяўку на чэмпіянат свету 2010^[8]. 29 мая Хаўер дэбютаваў у складзе асноўнай зборнай, замяніўшы Хаві ў матчы супраць зборнай Саудаўскай Аравіі.

Дасягненні

«Баварыя»:

• Чэмпіён Германіі (9): 2013, 2014, 2015, 2016, 2017, 2018, 2019, 2020, 2021
• Уладальнік Кубка Германіі (5): 2013, 2014, 2016, 2019, 2020
• Уладальнік Суперкубка Германіі (4): 2016, 2017, 2018, 2020
• Пераможца Лігі чэмпіёнаў (2): 2013, 2020
• Уладальнік Суперкубка УЕФА (2): 2013, 2020
• Пераможца клубнага чэмпіянату свету: 2013

Іспанія:

• Чэмпіён свету: 2010
• Чэмпіён Еўропы: 2012