Хальмстад

Хальмстад (шведск.: Halmstad) — горад на паўднёвым захадзе Швецыі, у лене Халанд, у аднайменнай правінцыі, цэнтр аднайменнай камуны і яе найбуйнейшы горад. Насельніцтва 58 577 чалавек (2010). Порт пры ўпадзенні ракі Нісан у Лахольмскую бухту.

Горад
Хальмстад
шведск.: Halmstad
Герб
56°40′ пн. ш. 12°51′ у. д.HGЯO
Краіна	Швецыя
Лен	Халанд
Гісторыя і геаграфія
Плошча	32,34 км²
Вышыня цэнтра	11 ± 1 м
Водныя аб’екты	Катэгат, Nissan[d], Fylleån[d], Laholm Bay[d], Laholmsbukten coastal water body[d] і Laholmsbukten coastal water[d]
Часавы пояс	UTC+1, летам UTC+2
Насельніцтва
Насельніцтва	59 005 чалавек (2005)
Шчыльнасць	1663,8 чал./км²
Афіцыйная мова	шведская мова
Лічбавыя ідэнтыфікатары
Тэлефонны код	35
Паштовы індэкс	30x xx
Іншае
Правінцыя	Халанд
halmstad.se (шведск.)(англ.)(ням.)
Паказаць/схаваць карты
Хальмстад
Медыяфайлы на Вікісховішчы

Гісторыя

Хальмстад узнік у X стагоддзі — XI стагоддзі, аб чым сведчаць знаходкі ў раёне руінаў царквы Эўрабю. Аднак першыя згадкі адносяцца толькі да 1231, у т.зв. Земляной кнізе дацкага караля Вальдэмара. Першы гарадскі прывілей Хальмстаду датуецца 1307 годам. У XIII стагоддзі дамініканцы заснавалі тут кляштар, а ў XV стагоддзі была пабудавана царква Святога Мікалая, якая сёння з'яўляецца найстарэйшым будынкам горада. У канцы XV стагоддзя ў горадзе з'явіліся і францысканцы, аднак ужо ў 1530-я гады абодва ордэны спынілі сваё існаванне ў горадзе ў сувязі з Рэфармацыяй. У 1534 годзе Хальмстад быў узяты ў аблогу шведамі (да сярэдзіны XVII стагоддзя ўвесь поўдзень і паўднёвы захад сучаснай Швецыі быў дацкім). У 1598—1605 гадах па загадзе дацкага караля Крысціяна IV у Хальмстадзе былі пабудаваны новыя абарончыя збудаванні: фартыфікацыя з чатырма брамамі, шасцю бастыёнамі і двума месцамі зручнымі для размяшчэння гармат. У 1645 годзе, як вынік Бромсебрускага міру, Халанд адыходзіць да Швецыі, а ўжо праз 13 гадоў, у Роськіле яна канчаткова замацавала за сабою гэтыя тэрыторыі. Падчас Сконскай вайны, у 1676 годзе пад Хальмстадам адбылася бітва паміж шведамі і датчанамі. У 1678 годзе ў горадзе збіраўся шведскі рыксдаг. У 1734 годзе большая частка гарадскіх умацаванняў была знішчана. З 1823 года адбываецца індустрыялізацыя горада. У 1837—1840 быў перабудаваны порт, што спрыяла развіццю горада. У канцы XIX стагоддзя Хальмстад хутка расце, а з пачатку XX стагоддзя зноў становіцца важным гарнізонным горадам. У 1931 годзе ў горадзе мелі месца сутыкненні паміж партовымі рабочымі і работадаўцамі. У 1956 годзе быў пабудаваны Замкавы мост (шведск.: Slottsbron).

Насельніцтва

Год Колькасць 2010 58 577 [1] 2016 67 294 [2] 2017 68 085 [3] Год Колькасць 2018 69 419 [3] 2018 69 537 [4] 2019 70 480 [5] Год Колькасць 2020 71 422 [6] 2020 71 316 [7] 2023 72 979 [8]

Славутасці

• Руіны царквы ў раёне Эўрэбю (XII стагоддзе)
• Царква Святога Мікалая (XV стагоддзе)
• Замак (пачатак XVII стагоддзя)
• Паўночная брама (шведск.: Norre Port, 1601 год)
• Фантан «Еўропа і бык» Карла Мілеса (1926)
• Халандскі (т.б. Халанда) Музей мастацтваў
• Парк Пікаса

Вядомыя асобы і жыхары

• Ёнас Альтберг (Basshunter; нар. 1984) — шведскі спявак, музычны прадзюсар і дыджэй
• Карл Аксель Магнус Ліндман (1856—1928) — шведскі батанік

Галерэя

• 
  Фантан «Еўропа і бык» Карла Мілеса
• 
  Паўночная брама
• 
  Царква Святога Мікалая
• 
  Руіны сярэдневяковай царквы ў Эўрабю
• 
  Хальмстадскі замак
• 
  Фахверкавы Мельгрэнскі дом
• 
  Заходні пляж (на заднім плане: порт)
• 
  Парк Норэкатспарк
• 
  Гарадская бібліятэка