Хведар Пятровіч Імшэнік

Хведар Пятровіч Імшэнік (4 верасня 1884, в. Хацінава, Брэст-Літоўскі павет, Гродзенская губерня — пасля 1931 (?), Уфа (?); Крыптанім: Хв. Ім.) — беларускі літаратуразнавец, мемуарыст, педагог.

Хведар Пятровіч Імшэнік
Дата нараджэння	4 верасня 1884(1884-09-04)
Месца нараджэння	Хацінава, Брэсцкі павет, Гродзенская губерня, Расійская імперыя
Дата смерці	не раней за 1931
Месца смерці	Уфа, РСФСР, Башкірская Аўтаномная Савецкая Сацыялістычная Рэспубліка, СССР
Грамадзянства	Расійская імперыя  Беларуская ССР
Род дзейнасці	мемуарыст, літаратуразнавец, педагог
Месца працы	Наша Ніва Мар’інагорскі дзяржаўны аграрна-тэхнічны каледж імя У. Е. Лабанка
Альма-матар	Жыровіцкае духоўнае вучылішча[d] Віленская духоўная семінарыя Імператарскі Дэрпцкі ўніверсітэт
Партыя	Беларуская сацыялістычная грамада
Творы ў Вікікрыніцах

Біяграфія

Вучыўся ў Жыровіцкім духоўным вучылішчы, Літоўскай духоўнай семінарыі (1900—1907). Быў супрацоўнікам газеты «Наша ніва». Скончыў Юр'еўскі (Тартускі) універсітэт. У час вучобы арыштоўваўся за ўдзел у студэнцкіх хваляваннях. У 1906—1912 член БСГ. Пасля сканчэння ўніверсітэта па запрашэнні М. Багдановіча пераехаў у Яраслаўль; выкладаў у прыватнай мужчынскай гімназіі.

У 1918 разам з Мінскім настаўніцкім інстытутам вярнуўся ў Мінск. Працаваў выкладчыкам філалогіі і гісторыі ў Мар'іна-Горскім сельскагаспадарчым тэхнікуме. У 1923—1924 дырэктар Бабруйскага, у 1924—1927 Рагачоўскага, у 1927—1930 выкладчык Гомельскага педтэхнікумаў. Напісаў успаміны пра М. Багдановіча, «Нашу ніву».

Арыштаваны 15 ліпеня 1930 па справе «Саюза вызвалення Беларусі». 10 красавіка 1931 паводле пастановы Калегіі АДПУ сасланы на 5 гадоў ва Уфу. Далейшы лёс невядомы.

Бібліяграфія

• «Наша ніва» і дваццацігадовы юбілей беларускае перыядычнае прэсы // 1926, № 7;
• Цішка Гартны як селькор «Нашае нівы» 1908—1910 // Полымя. 1929, № 1;
• 15 гадоў цяжкай, але пачэснай працы: (Юбілей У. М. Ігнатоўскага) // Савецкая Беларусь. 1924, 2 лістап.

Зноскі