Хернінг

Хернінг (дацк.: Herning) — горад у Даніі. Знаходзіцца ў цэнтры паўвострава Ютландыя. Хернінг — адміністрацыйны цэнтр аднайменнай камуны, уваходзіць у склад регіёна Цэнтральная Ютландыя. Насельніцтва горада складае 48 531 чалавек (на 1 студзеня 2016 года)^[2].

Хернінг дацк.: Herning Герб Краіна  Данія Каардынаты 56°08′10″ пн. ш. 8°58′36″ у. д.HGЯO Вышыня цэнтра 58 ± 1 м Насельніцтва ▲51 312 чал. (2024)[1] Часавы пояс UTC+1 і UTC+2 Паштовыя індэксы 7400 Афіцыйны сайт herning.dk Хернінг на карце Даніі

Медыяфайлы на Вікісховішчы

Гісторыя

Хернінг называлі «сталіцай верасу» (hedens hovedstad): горад быў заснаваны на пачатку 19 стагоддзя падчас перыяду меліярацыі. У выніку гэтага працэсу насельніцтва горада значна павялічылася і ўзрос попыт на прадукцыю ды паслугі новых фермераў раёна. Хернінг узнік як раённы цэнтр гандлю.

У 1913 годзе Хернінг атрымаў права на правядзенне кірмашоў. Так Хернінг стаў вядомы на тэкстыль: ткацкая прамысловасць развівалася ў горадзе і вакол яго. Гэтая галіна калісьці была асноўнай эканамічнай дзейнасцю ў Хернінгу. Цяпер у горадзе знаходзяцца разнастайныя прамысловыя прадпрыемствы.

У 1965 ды 2003 гадах Хернінг стаў «горадам года ў Даніі»^[3] па версіі дацкай газеты «Юланс Постэн» (Jyllands-Posten).

У Хернінгу знаходзіцца буйнейшы ў Скандынавіі выставачны цэнтр Messecenter Herning^[4].

Адукацыя

У Хернінгу знаходзіцца Інстытут бізнесу і тэхналогіі (Handels- og IngeniørHøjskolen)^[5], які з’яўляецца факультэтам сацыяльных навук Орхускага ўніверсітэта (Aarhus Universitet)^[6].

Мова

У Хернінгу, як і ў астатняй Ютландыі, шмат людзей, асабліва ў вёсках і мястэчках, размаўляюць на заходнім дыялекце дацкай мовы, які называецца ютландскі ці юцкі (jydsk, jysk).

Славутасці

У Хернінгу знаходзіцца Элія (Elia)^[7], унікальная манументальная праца скульптара Інгвара Кронгамара. Яна ўяўляе сабой чорны 60-метровы купал з чатырма лесвіцамі — 10 метраў у шырыню, якія ўкроеныя ў паверхню і глядзяць на чатыры кірункі свету.

Зноскі

1. https://www.statistikbanken.dk/BY1
2. http://www.statistikbanken.dk/BEF44 (дацк.) (англ.)
3. Спіс гарадоў года ў Даніі Архівавана 15 мая 2009. (дацк.)
4. Сайт выставачнага цэнтра ў Хернінгу (дацк.) (англ.)
5. Інстытут бізнесу і тэхналогіі (дацк.) (англ.)
6. Орхускі ўніверсітэт (дацк.) (англ.)
7. Сайт скульптуры Элія (дацк.) (англ.)