Хрысціянская візія

Рабочая група Каардынацыйнай рады Беларусі From Wikipedia, the free encyclopedia

Хрысціянская візія
Remove ads

Хрысціянская візія ― рабочая група беларускіх хрысціян па пераадоленні палітычнага крызісу Беларусі з 2020 года. Вакол групы «Хрысціянская візія» сканцэнтравалася грамадская дзейнасць беларускіх хрысціян ва ўмовах палітычных рэпрэсій і ўнутрыцаркоўнага ціску з 2020 года; патэнцыял групы вырас праз эміграцыю хрысціянскіх актывістаў, большасць яе сяброў цяпер знаходзіцца за мяжой[1]. Група ставіць мэтай ініцыяванне і садзеянне сумеснай дзейнасці хрысціян для дасягнення мэт Рады: пераадолення палітычнага крызісу і забеспячэння грамадскай згоды.

Хуткія факты Хрысціянская візія, Тып ...
Remove ads

Статус і склад

Група «Хрысціянская візія» была створана 9 верасня 2020 г. як рабочая група Каардынацыйнай рады Беларусі і з’яўляецца нефармальным міжканфесійным аб’яднаннем, да якога могуць далучацца сябры Каардынацыйнай рады. Заяву пра стварэнне групы спачатку падпісалі 24 свецкія вернікі і святары ўсіх асноўных канфесій краіны[2][3].

Дзейнасць

«Хрысціянская візія» адсочвае і надае галоснасці фактам пераследу веруючых у Беларусі па рэлігійных і палітычных матывах[4], і парушэнню іх правоў у месцах зняволення[5][6]. Факты абагульваюцца ў маніторынгу на англійскай і рускай мовах[7]. Яны прыцягнулі ўвагу айчынных і міжнародных СМІ[8][9]. На маніторынгавыя даследаванні групы спасылаецца ў сваіх справаздачах па стане рэлігіі ў Беларусі Дзярждэпартамент ЗША[10].

Група мабілізуе свецкіх вернікаў і духавенства на выказванні і акцыі асуджэння гвалту, у падтрымку аднаўлення законнасці і вызвалення палітзняволеных, і асвятляе іх дзейнасць.

Заахвочвае тэолагаў, святароў і іншых людзей і арганізацыі ў Беларусі і замежжы да багаслоўскага асэнсавання пратэстаў і рэпрэсій. Беспрэцэдэнтным прыкладам такой рэфлексіі стаў ліст Святланы Ціханоўскай Папу Францішку ў адказ на яго энцыкліку[11].

Ініцыюе і ўдзельнічае ― у Беларусі і за мяжой ― у кампаніях у падтрымку палітзняволеных, пераследаваных веруючых і царкоўных супольнасцяў у Беларусі[12].

24 лютага 2022 года група зрабіла заяву з нагоды расійскага ўварвання ва Украіну, у якой асудзіла агрэсію і выкарыстанне тэрыторыі Беларусі для нападу, выказала салідарнасць з украінскім народам і заклікала беларускіх вайскоўцаў не ўдзельнічаць у вайне[13]. З таго часу група таксама занялася даследаваннем антываенных хрысціянскіх ініцыятыў у Расіі, маніторынгам пераследу хрысціян за антываенную пазіцыю. У выніку з’явілася ініцыятыва «Хрысціяне супраць вайны».

Вядзе вебсайт, каналы ў Тэлеграме і ў іншых сацыяльных сетках[14].

У верасні 2023 года Telegram-канал групы быў прызнаны экстрэмісцкім матэрыялам па рашэнні суда Лідскага раёна[15].

У кастрычніку 2023 года прызнаны экстрэмісцкімі матэрыяламі Instagram-, Facebook і Twitter-акаўнт групы па рашэнні суда Кастрычніцкага раёна горада Віцебска.

У 2025 годзе ўлады Беларусі аб’явілі «Хрысціянскую візію» экстрэмісцкім фарміраваннем[16].

Субпраект «Хрысціяне супраць вайны»

«Хрысціяне супраць вайны» з'явіліся як ініцыятыва спачатку як медыягрупа, якая аналізуе рэакцыю хрысціянскіх абшчын Расіі, Украіны, Беларусі і іншых суседніх краін на ўварванне Расіі ва Украіну.

Удзельнікі групы вывучалі спосабы супраціўлення хрысціян у Расіі ваенным дзеянням; рэлігійную прапаганду, якая выкарыстоўваецца для апраўдання агрэсіі; структурныя змены ў канфесійным ландшафце Расіі і Украіны на фоне ваенных дзеянняў і многае іншае.

Такім чынам да дзейнасці ініцыятывы далучыліся хрысціяне не толькі з Беларусі, а і з Расіі, Украіны, Літвы, Германіі, Іспаніі і іншых краін.

Паколькі неўзабаве пасля пачатку ваенных дзеянняў пачаліся рэпрэсіўныя практыкі ў адносінах да грамадзян, якія выказвалі нязгоду з дзеяннямі расійскіх войск, група занялася праваабарончай дзейнасцю: у прыватнасці, маніторынгам выпадкаў пераследу хрысціян за антываенную пазіцыю, а таксама арганізацыяй дапамогі ім.

Да вынікаў даследаванняў ініцыятывы звяртаюцца расійскія[17] і заходнія[18][19] праваабарончыя і міжцаркоўныя арганізацыі, а таксама вучоныя ў сваіх артыкулах[20][21][22].

На іх дзейнасць спасылаюцца заходнія медыя[23][24]. Таксама маніторынгі выкарыстоўваюцца расійскімі незалежнымі СМІ для ацэнкі рэпрэсіўных практык у Расіі ў дачыненні да вернікаў, якія займаюць антываенную пазіцыю[25][26][27][28].

Асноўныя вынікі даследчай дзейнасці ініцыятывы — гэта маніторынгавыя спісы:

  • пераследу хрысціян з боку рэлігійных арганізацый і ўладаў за антываенную пазіцыю або падтрымку Украіны ў абароне ад агрэсіі[29];
  • загінуўшых падчас вайны свяшчэннаслужыцеляў і царкоўнаслужыцеляў хрысціянскіх цэркваў Украіны[30];
  • святароў РПЦ, якія ўдзельнічаюць у якасці капеланаў ва Узброеных сілах РФ[31];
  • свядомых адмоўнікаў ад вайсковай службы па меркаваннях сумлення ва Украіне[32].
Remove ads

Зноскі

  1. [1]
    Васілевіч, Наталля. Белорусские христианские реакции против российского вторжения в Украину (руск.). Царква і палітычны крызіс у Беларусі (11 сакавіка 2022).
  2. [2]
    Рабочая група Каардынацыйнай рады “Хрысціянская візія”. Заява рабочай групы Каардынацыйнай рады “Хрысціянская візія”. Царква і палітычны крызіс у Беларусі (11 верасня 2020).
  3. [3]
    Рабочая группа Координационного Совета «Христианское видение». Рабочая группа “Христианское видение” (руск.). Царква і палітычны крызіс у Беларусі (9 верасня 2020).
  4. [4]
    Рабочая группа Координационного Совета «Христианское видение». Заявление группы Координационного совета «Христианское видение» по поводу гибели в Шкловской колонии политического заключенного Витольда Ашурка (руск.). Царква і палітычны крызіс у Беларусі. Рабочая группа Координационного Совета «Христианское видение» (22 мая 2021). Праверана 9 чэрвеня 2021.
  5. [5]
    Заявление группы Координационного совета «Христианское видение» по поводу невозможности подписки на “Каталіцкі веснік” в тюрьме №4 г. Могилева (руск.). Царква і палітычны крызіс у Беларусі. Рабочая группа Координационного Совета «Христианское видение» (31 мая 2021). Праверана 9 чэрвеня 2021.
  6. [6]
    Заявление группы Координационного совета «Христианское видение» по поводу недопуска священников к политическим заключенным Павлу Северинцу, Ирене Бернацкой и Ольге Золотарь (руск.). Царква і палітычны крызіс у Беларусі. Рабочая группа Координационного Совета «Христианское видение» (4 мая 2021). Праверана 9 чэрвеня 2021.
  7. [7]
    Рабочая група Каардынацыйнай рады “Хрысціянская візія”. Мониторинг преследований по основаниям, связанным с религией, во время политического кризиса в Беларуси (ОБНОВЛЯЕТСЯ). Царква і палітычны крызіс у Беларусі.
  8. [8]
    Jonathan Luxmoore. Closed trial, death in prison: Belarus increases pressure on opposition (англ.). Crux (26 мая 2021). Праверана 9 чэрвеня 2021.
  9. [9]
    Jonathan Luxmoore. Belarus Catholic officials silent, but some Catholics show support quietly (англ.). Crux (13 красавіка 2021). Праверана 9 чэрвеня 2021.
  10. [10]
    Міжнародная справаздача аб свабодзе веравызнання ў Рэспубліцы Беларусь за 2022 год (англ.). U.S. Mission Belarus (9 жніўня 2023). Праверана 27 жніўня 2024.
  11. [11]
    Святлана Ціханоўская. Ліст Святланы Ціханоўскай Святому Айцу Францішку. Царква і палітычны крызіс у Беларусі. Рабочая група Каардынацыйнай рады “Хрысціянская візія” (4 снежня 2020).
  12. [12]
    Молитва за Беларусь: как это было и что это такое (руск.). Царква і палітычны крызіс у Беларусі. Рабочая группа Координационного Совета «Христианское видение» (6 мая 2021). Праверана 9 чэрвеня 2021.
  13. [13]
    Хрысціянская візія. Заява групы «Хрысціянская візія» наконт ваеннай агрэсіі супраць брацкай Украіны і ўдзелу рэжыму Аляксандра Лукашэнкі ў ёй . Царква і палітычны крызіс у Беларусі (24 лютага 2022). Праверана 21 сакавіка 2022.
  14. [14]
    Хрысціянская візія (недаступная спасылка). Царква і палітычны крызіс у Беларусі. Рабочая группа Координационного Совета «Христианское видение». Архівавана з першакрыніцы 9 чэрвеня 2021. Праверана 20 чэрвеня 2021.
  15. [15]
    Телеграм-канал «Хрысціянская Візія» признан экстремистскими материалами (руск.). Reform.news (11 верасня 2023).
  16. [16]
    Прызналі «экстрэмісцкімі фармаваннямі» «Хрысціянскую візію», «БюроМедиа» і «Палітвязынку». Наша Ніва.
  17. [17]
    «Блаженны миротворцы». С чем сталкиваются христианские религиозные деятели, выступающие против войны (руск.). ОВД-Инфо (18 красавіка 2023). Праверана 12 жніўня 2024.
  18. [18]
    RUSSIA: Fled fearing prosecution for preaching that war is "terrible" (англ.). Forum 18[en] (10 лютага 2023). Праверана 8 жніўня 2024.
  19. [19]
    Die Belarusische Orthodoxe Kirche und der Krieg gegen die Ukraine (англ.). NÖK (15 жніўня 2024). Праверана 26 жніўня 2024.
  20. [20]
    Regula M. Zwahlen and Natalija Zenge. Silenced Dissent in the Russian Orthodox Church // Euxeinos. — 2023. — Vol. 13, No. 35.
  21. [21]
    Pavlo Smytsnyuk. The War in Ukraine as a Challenge for Religious Communities: Orthodoxy, Catholicism and Prospects for Peacemaking // Studia Universitatis Babeș-Bolyai Theologia Catholica Latina. — 2023. — Vol. 68(1).
  22. [22]
    Regina Elsner. Questioning the concept of ‘religious activism’ in Russian Orthodoxy from a theological perspective // Religion, State and Society. — 2023. — Vol. 51. Issue 1: Religious activism in Eastern Europe and beyond.
  23. [23]
    Они пострадали за "мир" (руск.). Euronews (14 жніўня 2023). Праверана 27 жніўня 2024.
  24. [24]
    Anti-war Russian clergy face punishment (англ.). Deutsche Welle (15 кастрычніка 2023). Праверана 27 жніўня 2024.
  25. [25]
    «Партизаню, как могу». Священники против войны (руск.). Север.Реалии (8 мая 2023). Праверана 8 жніўня 2024.
  26. [26]
    Патриарх Кирилл запретил в служении московского священника, который в молитве заменил слово «победа» на «мир» (руск.). Meduza (3 лютага 2023). Праверана 8 жніўня 2023.
  27. [27]
    От джихада до молитвы за мир. Религиозные деятели Кавказа и юга России и война в Украине (руск.). Кавказ.Реалии (26 красавіка 2023). Праверана 12 жніўня 2023.
  28. [28]
    Как проповедуют антивоенные священники после изгнания из прокремлевской РПЦ (руск.). The Moscow Times (6 лістапада 2023). Праверана 12 жніўня 2023.
  29. [29]
    Преследование христиан со стороны религиозных организаций и властей за антивоенную позицию или поддержку Украины в защите от агрессии (руск.). Праверана 25 жніўня 2024.
  30. [30]
    Список погибших священнослужителей и церковнослужителей христианских церквей Украины (руск.). Праверана 8 жніўня 2024.
  31. [31]
    Священники РПЦ на фронте (руск.). Праверана 8 жніўня 2024.
  32. [32]
    Украина: сознательные отказчики от военной службы по соображениям совести (руск.). Праверана 8 жніўня 2024.
Remove ads

Спасылкі

Loading related searches...

Wikiwand - on

Seamless Wikipedia browsing. On steroids.

Remove ads
Remove ads