Цапра (рака)

У гэтага тапоніма ёсць і іншыя значэнні, гл. Цапра.

Цапра́^[1], Цэ́пра — рака ў Беларусі, у Нясвіжскім і Клецкім раёнах Мінскай вобласці, левы прыток ракі Лань (басейн Прыпяці).

Цапра
Характарыстыка
Даўжыня	21 км
Басейн	123 км²
Вадацёк
Выток
• Месцазнаходжанне	за 1 км на паўночны ўсход ад вёскі Габруны
• Каардынаты	53°09′10,15″ пн. ш. 26°47′48,98″ у. д.HGЯO
Вусце	Лань
• Месцазнаходжанне	за 1,5 км на поўдзень ад вёскі Чырвоная Звязда
• Каардынаты	52°59′46,59″ пн. ш. 26°41′33,78″ у. д.HGЯO
Ухіл ракі	1,7 м/км
Размяшчэнне
Водная сістэма	Лань → Прыпяць → Дняпро
Краіна	Беларусь
Рэгіён	Мінская вобласць
Раёны	Нясвіжскі раён, Клецкі раён
выток вусце
— выток, — вусце

Даўжыня ракі 21 км, з іх на тэрыторыі Клецкага раёна 14 км^[2]. Плошча вадазбору 123 км². Сярэдні нахіл воднай паверхні 1,7 м/км. Пачынаецца за 1 км на паўночны ўсход ад вёскі Габруны Нясвіжскага раёна, вусце за 1,5 км на поўдзень ад вёскі Чырвоная Звязда Клецкага раёна. Рака цячэ пераважна ў межах Капыльскай грады. Рэчышча каналізаванае. На рацэ плаціны і сажалкі каля вёскі Пляшэвічы Нясвіжскага раёна (плошча 21,8 га) і вёскі Зубкі Клецкага раёна (плошча 34 га).

Асноўны прыток — рака Конік (злева).

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
2. Агульная характарыстыка рачной сеткі Мінскай вобласці // Даведнік «Водныя аб’екты Рэспублікі Беларусь» Архівавана 20 кастрычніка 2016. (руск.)