Царква Аляксандра Неўскага (Тамперэ)

У паняцця ёсць і іншыя значэнні, гл. Царква Аляксандра Неўскага.

Царква Святога Аляксандра Неўскага і свяціцеля Мікалая (фінск.: Pyhän Aleksanteri Nevalaisen ja Pyhän Nikolaoksen kirkko) — праваслаўны храм у цэнтры горада Тамперэ (Фінляндыя). Належыць Оўлускай мітраполіі Фінляндскай праваслаўнай царквы Канстанцінопальскага Патрыярхата.

Славутасць
Царква Аляксандра Неўскага
фінск.: Pyhän Aleksanteri Nevskin ja Pyhän Nikolaoksen kirkko[1]
61°29′43″ пн. ш. 23°46′19″ у. д.HGЯO
Краіна	Фінляндыя[2][3][…]
Месцазнаходжанне	Тамперэ[2][3][…]
Канфесія	Праваслаўная Царква і праваслаўе
Епархія	Хельсінкская епархія
Архітэктурны стыль	неавізантыйскі стыль[d] і псеўдарускі стыль
Дата заснавання	1896
Матэрыял	цэгла
Медыяфайлы на Вікісховішчы

Гісторыя

Царква пабудавана ў перыяд з 1896 па 1899 год па праекце інжынера Т. У. Языкава ў стылі рускіх храмаў XVII стагоддзя. Участак зямлі быў ахвяраваны гарадскімі ўладамі, мясцовыя прамысловыя прадпрыемствы ахвяравалі будаўнічыя матэрыялы, а грошы на будаўніцтва былі атрыманы ад расійскага ўрада і ад Свяцейшага Сінода.

Цэнтральны прастол быў асвечаны ў гонар святога Аляксандра Неўскага, а ў цокальнай частцы знаходзіцца царква ў гонар Мікалая Мірлікійскага.

Царква сямікупальная (цэнтральны купал вышынёй 17 метраў). Над галоўным уваходам знаходзіцца званіца з 9 званамі, адзін з якіх з’яўляецца другім па велічыні ў Фінляндыі (вага звана 4973 кг).

Царква сур’ёзна пацярпела падчас баёў у 1918 г. і пазней была капітальна рэстаўравана.