Тамперэ

Та́мперэ^[7], Та́мерфорс^[7] (фінск.: Tampere, шведск.: Tammerfors) — горад у правінцыі Пірканмаа на поўдні Фінляндыі, другі па значнасці гарадскі цэнтр пасля Хельсінкі. Тамперэ мае 204 тысячы жыхароў (разам з суседнімі муніцыпалітэтамі — больш за 300 тысяч) і з’яўляецца другім па значнасці гарадскім цэнтрам Фінляндыі пасля Хельсінкі.

Тамперэ фінск.: Tampere шведск.: Tammerfors Герб[d] Сцяг Краіна  Фінляндыя[1] Каардынаты 61°29′53″ пн. ш. 23°45′36″ у. д.HGЯO Кіраўнік Ilmari Nurminen[d][2] Заснаваны 1 кастрычніка 1779[3][4] Плошча 524,89 км² (1 студзеня 2023)[5] Водныя аб’екты Возера Нясіярві[3], Пюхяярві (Тамперэ)[3] і Тамеркоскі[3] Насельніцтва ▲255 333 чал. (29 лютага 2024)[6] Часавы пояс UTC+2 і UTC+03:00 Паштовыя індэксы 33100–33900 Афіцыйны сайт tampere.fi (фін.)​ (англ.) Тамперэ на карце Фінляндыі

Медыяфайлы на Вікісховішчы

Геаграфія

Горад размешчаны на поўдні Фінляндыі, знаходзіцца паміж двума азёрамі: Нясіярві на поўначы і Пюхяярві на поўдні. Розніца між узроўнямі вады гэтых азёр — 18 метраў, між імі цячэ рака Тамеркоскі даўжынёй 945 метраў. Рака падзяляе гістарычны цэнтр горада на дзве часткі.

Найбліжэйшыя гарады — Нокія, Піркала, Кангасала, Юлёярві, Орывесі, Куру, Руавесі і Лемпяля.

Клімат

Клімат Тамперэ блізкі да ўмерана-марскога: мяккая снежная зіма і кароткае халаднаватае лета. Самы халодны месяц — - люты, а самы цёплы — ліпень. Снег ляжыць у сярэднім з канца лістапада да сярэдзіны красавіка.

Гісторыя

У 1775 годзе ў раёне ракі Тамеркоскі шведскім каралём Густавам III было заснавана гандлёвае паселішча. Ужо праз чатыры гады, у 1779 годзе, паселішча атрымала статус горада. У той час Тамперэ быў невялікім гарадком, які займаў усяго некалькі квадратных кіламетраў.

Вялікае Княства Фінляндскае

У XIX стагоддзі, калі Тамерфорс у складзе Вялікага Княства Фінляндскага быў адным з гарадоў Расійскай імперыі, ён ужо ўяўляў сабой буйны гандлёвы і індустрыяльны цэнтр. На працягу другой паловы XIX стагоддзя Тамерфорс складаў амаль палову прамысловага патэнцыялу Фінляндыі. Індустрыяльная моц горада дала яму другую назву — «Паўночны Манчэстэр».

З-за развіцця вытворчасці і будаўніцтва новых заводаў Тамперэ павялічваў сваю плошчу за кошт далучэння суседніх сельскіх паселішчаў.

У снежні 1905 года ў Тамерфорсе праходзіла 1-я канферэнцыя РСДРП, дзе ўпершыню сустрэліся У. І. Ленін і Сталін.

Незалежная Фінляндыя

Разбураны Тамперэ пасля бітвы

Падчас Грамадзянскай вайны ў Фінляндыі (28 студзеня — 15 мая 1918 года) Тамперэ быў месцам адной са стратэгічна важных падзей — 6 красавіка «белыя» ўзялі горад і захапілі ў палон каля 10 000 «чырвоных».

Тамперэ быў вядомы як горад тэкстыльнай і металургічнай прамысловасці. Аднак у 1990-х гадах ён стаў вядомы як цэнтр тэлекамунікацыйнай індустрыі і інфармацыйных тэхналогій. Тэхналагічны цэнтр Хермія (фінск.: Hermia) у раёне Херванта (фінск.: Hervanta) з’яўляецца флагманам гэтай індустрыі.

Эканоміка

Тамперэ — вузел чыгунак і аўтадарог, порт.

У горадзе дзейнічае шэраг буйных прадпрыемстваў машынабудаўнічай, цэлюлозна-папяровай, хімічнай, гарбарна-абутковай, тэкстыльнай, харчовай прамысловасці, ГЭС, вылічальны цэнтр. Дзейнічае завод канцэрна Pilkington^[8].

Культура

Тэатр Тамперэ

Тамперэ вядомы сваім насычаным культурным жыццём. У горадзе пражывалі і пражываюць некаторыя з класікаў і вядомыя фінскія пісьменнікі. Горад таксама мае даўнія тэатральныя традыцыі — у горадзе дзейнічаюць Рабочы тэатр Тамперэ і Тэатр Тамперэ, кожны жнівень праводзіцца тэатральны фестываль (Tampereen Teatterikesä).

У горадзе штогод у сакавіку праводзіцца Міжнародны фестываль кароткаметражных фільмаў. Tammerfest — фестываль урбаністычнага рока праходзіць у горадзе кожны ліпень, акрамя таго, гарадскі мастацкі фонд штогод арганізоўвае ў горадзе яшчэ 3 міжнародныя культурныя мерапрыемствы: Tampere Jazz Happening кожны лістапад, Tampere Vocal Music Festival і Tampere Biennale у розныя гады.

У Тамперэ размешчаны галоўны офіс папулярнага ва ўсёй краіне тэлеканала YLE TV2.

Славутасці

Кафедральны сабор

Адным з самых ранніх культавых збудаванняў Тамперэ з’яўляецца Старая царква, пабудаваная ў класічным стылі ў 1828 годзе па праекце архітэктараў Карла Басі і Карла Энгеля. У неагатычным стылі пабудавана ў 1881 годзе царква Алексантэры, а ў стылі нацыянальнага рамантызму збудаваны па праекце Ларса Сонка ў 1907 годзе Кафедральны сабор. У 1966 годзе ў стылі мадэрнізм пабудаваны ў раёне Калева па праекце архітэктараў Райлі і Рэйма Піетыля сучасны бетонны храм — царква Калева.

Адзіная праваслаўная царква ў гонар Аляксандра Неўскага і свяціцеля Мікалая пабудавана ў цэнтры Тамперэ ў 1899 годзе па праекце інжынера Т. У. Языкава.

У горадзе дзейнічае каля 20 музеяў: мастацкі музей Сары Хілдэн, музей шпіянажу, Фінскі музей гульняў, музей паліцыі, музей Леніна, а таксама музей мумі-троляў, прысвечаны творчасці Тувэ Янсан^[9].

• 
  Старая царква
• 
  Царква Алексантэры
• 
  Царква Калева
• 
  Царква Аляксандра Неўскага

Адукацыя

У акрузе Тамперэ дзейнічае 4 універсітэты, сярод якіх найважнейшымі з’яўляюцца Універсітэт Тамперэ (UTA, заснаваны ў 1925, у сярэдзіне 2000-х навучалася больш за 12 000 студэнтаў) і Тамперскі тэхналагічны ўніверсітэт (TTY, таксама больш за 12 000 студэнтаў), размешчаны ў раёне Херванта.

Насельніцтва

Год Колькасць 1999 193 174 [10] 2000 195 468 [10] 2001 197 774 [10] 2002 199 823 [10] 2003 200 966 [10] 2004 202 932 [10] Год Колькасць 2005 204 337 [10] 2006 206 368 [10] 2007 207 866 [10] 2008 209 552 [10] 2009 211 507 [10] 2010 213 217 [10] Год Колькасць 2011 215 168 [10] 2012 217 421 [10] 2013 220 446 [10] 2014 220 701 [11] 2014 223 004 [10] 2015 225 118 [12][10] Год Колькасць 2016 228 274 [10] 2017 231 853 [13][10] 2023 255 050 [14] 2024 255 333 [6]

Вядомыя ўраджэнцы і жыхары

• Каарла Аарні, фінскі акцёр і рэжысёр
• Рэйна Валкама, фінскі акцёр
• Каарла Васама, фінскі гімнаст
• Пія Війтанен, фінскі палітык
• Май-Ліс Раяла, прыма-балерына Фінскага нацыянальнага балета
• Маці Ярвінен, фінскі лёгкаатлет

Гарады-пабрацімы

• Выбарг, Расія
• Санкт-Пецярбург, Расія (1993)
• Ніжні Ноўгарад, Расія
• Брашаў (рум.: Braşov), Румынія
• Хемніц (ням.: Chemnitz), Германія
• Эсэн (ням.: Essen), Германія
• Каўнас (літ.: Kaunas), Літва
• Кіеў (укр.: Київ), Украіна
• Коўпавагюр (ісл.: Kópavogur), Ісландыя
• Лінц (ням.: Linz), Аўстрыя
• Лодзь (польск.: Łódź), Польшча
• Мішкальц (венг.: Miskolc), Венгрыя
• Норчэпінг (шведск.: Norrköping), Швецыя
• Одэнсэ (дацк.: Odense), Данія
• Оламаўц (чэшск.: Olomouc), Чэхія
• Саскатун (англ.: Saskatoon), Саскачэван, Канада
• Сірак’юс (англ.: Syracuse), Нью-Ёрк, ЗША
• Тарту (эст.: Tartu), Эстонія
• Тронхейм (нарв.: Trondheim), Нарвегія