Царква ў гонар Сабора навамучанікаў і вызнаўцаў зямлі Беларускай (Скідзель)

Царква ў гонар Сабора навамучанікаў і вызнаўцаў зямлі Беларускай — мураваны праваслаўны храм у горадзе Скідзель Гродзенскай вобласці. Знаходзіцца каля шашы Гродна — Мінск на зав. Усходнім, 3.

Праваслаўны храм
Царква ў гонар Сабора навамучанікаў і вызнаўцаў зямлі Беларускай
53°34′54″ пн. ш. 24°14′27″ у. д.HGЯO
Краіна	Беларусь
Горад	Скідзель
Канфесія	Праваслаўе
Епархія	Гродзенская і Ваўкавыская
Благачынне	Скідзельскае
Будаўніцтва	2002—2014 гады
Стан	дзейнічае
Медыяфайлы на Вікісховішчы

Гісторыя

26 кастрычніка 2001 года архіепіскап Гродзенскі і Ваўкавыскі Арцемій асвяціў месца і заклаў першы камень у падмурак на месцы будаўніцтва храма. Будаўніцтва храма пачалося ў 2002 годзе. 25 кастрычніка 2014 года адбылося асвячэнне Царквы ў гонар Сабора навамучанікаў і вызнаўцаў зямлі Беларускай^[1].

Архітэктура

Вырашана ў традыцыях старажытнарускага царкоўнага дойлідства. Цэнтрычны крыжова-купальны храм, завершаны цыліндрычным светлавым барабанам з цыбулепадобным купалам. Бакавыя фасады расчлянёны на 3 праслы з закамарамі, якія прарэзаны арачнымі вокнамі-трыфорыумамі. Цэнтральны і бакавыя арачныя ўваходы вылучаны парталамі-рызалітамі пад бочкавымі пакрыццямі^[2].

Зноскі

1. Храм Святых навамучанікаў і вызнаўцаў зямлі Беларускай г. Скідзель Архівавана 26 снежня 2019.
2. Царква ў гонар Сабора навамучанікаў і вызнаўцаў зямлі Беларускай Архівавана 19 верасня 2020.