Царква ў гонар абраза Божай Маці «Дзяржаўны» (Івацэвічы)

Царква ў гонар абраза Божай Маці «Дзяржаўны» — праваслаўны храм у г. Івацэвічы, размешчаны па адрасе вул. Дэпутацкая, 2.

Славутасць
Царква ў гонар абраза Божай Маці «Дзяржаўны»
52°42′48″ пн. ш. 25°20′25″ у. д.HGЯO
Краіна	Беларусь
Горад	Івацэвічы
Канфесія	Беларуская Праваслаўная Царква
Епархія	Пінская
Благачынне	Івацэвіцкае
Архітэктар	Л. В. Макарэвіч
Будаўніцтва	1990—2006 гады
Медыяфайлы на Вікісховішчы

Гісторыя

Пабудавана ў 1990-я гг. з цэглы паводле праекта, створанага ў Маскоўскай патрыярхіі рыжскімі будаўнікамі. Папярэдні мураваны храм быў пабудаваны ў 1870 годзе на ўрадавыя сродкі.

Архітэктура

Вырашана ў стылізаваных формах старажытна-рускага царкоўнага дойлідства. У аснове кампазіцыі вертыкальна выцягнуты 4-гранны купальны аб'ём, завершаны 5-купаллемі раскрапаваны трайнымі закамарамі з вузкімі арачнымі аконнымі праёмамі. Алтарны фасад завяршаецца паўкруглымі апсідамі пад сферычнымі пакрыццямі, франтальны — нізкім прытворам з макаўкай над двухсхільным дахам і бакавымі цыліндрычнымі хрысцільнямі.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007. -стар. 181.

Спасылкі

• На Вікісховішчы ёсць медыяфайлы па тэме Царква ў гонар абраза Божай Маці «Дзяржаўны» (Івацэвічы)
• Царква ў гонар абраза Божай Маці «Дзяржаўны» (Івацэвічы) на сайце Праваслаўная архітэктура Беларусі (бел.)
• Царква ў гонар абраза Божай Маці «Дзяржаўны» (Івацэвічы) на сайце Глобус Беларусі (руск.)