Церуха (рака)

У паняцця ёсць і іншыя значэнні, гл. Церуха (значэнні).

Церуха́^[1][2], Цяруха — рака — рака ў Добрушскім і Гомельскім раёнах Гомельскай вобласці Беларусі, левы прыток ракі Сож (басейн Дняпра).

Цяруха
Характарыстыка
Даўжыня	57 км
Басейн	525 км²
Расход вады	1,8 м³/с (у вусці)
Вадацёк
Выток
• Месцазнаходжанне	за 2 км на паўднёвы ўсход ад пасёлка Альховае
• Каардынаты	52°06′51″ пн. ш. 31°36′33″ у. д.HGЯO
Вусце	Сож
• Месцазнаходжанне	за 3,5 км на захад ад вёскі Церуха́
• Каардынаты	52°12′08″ пн. ш. 30°56′07″ у. д.HGЯO
Ухіл ракі	0,7 м/км
Размяшчэнне
Водная сістэма	Сож → Дняпро → Чорнае мора
Краіна	Беларусь
Рэгіён	Гомельская вобласць
Раёны	Добрушскі раён, Гомельскі раён
выток вусце
— выток, — вусце

Агульнае

Даўжыня ракі 57 км. Плошча вадазбору 525 км², пад лесам 26 %. Сярэдні нахіл воднай паверхні 0,7^[1] м/км. Сярэдні расход вады ў вусці складае 1,8^[1] м³/с. Выток знаходзіцца за 2 км на паўднёвы ўсход ад пасёлка Альховае. Упадае ў Сож за 3,5 км на захад ад вёскі Церуха́. Пойма двухбаковая, шырыня да 2 км, часткова асушаная. Рэчышча каналізаванае ў верхнім і сярэднім цячэнні, шырыня да 10 м. Берагі стромкія, вышынёю да 3 м. На перыяд вясновай паводкі прыходзіцца 55 % гадавога сцёку. На рацэ некалькі шлюзаў^[1]. Выкарыстоўваецца як водапрыёмнік меліярацыйных сістэм.

Асноўныя прытокі

• Пясошанька
• Грабаўка
• Рэўтак (справа)

На рацэ знаходзяцца

• вёска Церуха́
• вёска Макаўе

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
2. БелЭн 2003.