Цюльпаннае дрэва

Цюльпаннае дрэва, лірыядэндран (Liriodendron) — род кветкавых раслін сямейства магноліевыя.

Цюльпаннае дрэва
Амерыканскае цюльпаннае дрэва (Liriodendron tulipifera)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Магноліякветныя Сямейства:  Магноліевыя Падсямейства:  Liriodendroideae Род:  Цюльпаннае дрэва
Міжнародная навуковая назва
Liriodendron L.
Тыпавы від
Liriodendron tulipifera L. — Амерыканскае цюльпаннае дрэва
Сістэматыка на Віківідах Выявы на Вікісховішчы ITIS   18085 NCBI   3413 EOL   107763 IPNI   25583-1 FW   53804

Апісанне

Вышыня да 50-60 м. Лісце лірападобнае, лопасцевае, бліскучае, з пальчатым жылкаваннем. Кветкі адзіночныя, на канцах галін, буйныя, з бледна-зялёнымі або жоўтымі звонку пялёсткамі. Падобныя на кветкі цюльпана (адсюль назва), маюць слабы агурковы водар. Плод арэшкападобны, прадаўгаваты, каля 5 см даўжынёй, складаецца з крылатак, якія ападаюць пры выспяванні.

Злева направа Ствол Liriodendron tulipifera Ліст Liriodendron chinense Кветка Liriodendron tulipifera

Пашырэнне

У выкапнёвым стане вядомыя з верхнега мелу. Існуюць 2 сучасных віды з разарваным арэалам. Амерыканскае цюльпаннае дрэва (Liriodendron tulipifera) паходзіць з усходу Паўночнай Амерыкі. Кітайскае цюльпаннае дрэва (Liriodendron chinense) больш цеплалюбівае, у натуральных умовах расце ў Кітаі і на поўначы Індакітая.

Амерыканскі від — нацыянальны сімвал штатвў Індыяна, Кентукі і Тэнесі.

Выкарыстанне

Дэкаратыўная расліна. Мае прамысловае значэнне, паколькі яго драўніна лёгкая, трывалая і добра паддаецца апрацоўцы, прыдатна для вырабу мэблі, музычных інструментаў.