Чапца

Чапца́ (руск.: Чепца́^[1]) — рака ў Еўрапейскай частцы Расіі, у Пермскім краі, Удмурціі і Кіраўскай вобласці, левы прыток ракі Вятка (басейн Камы).

Чапца
руск. Чепца
У горадзе Глазаў
Характарыстыка
Даўжыня	501 км
Басейн	20 400 км²
Расход вады	124 м³/с
Вадацёк
Выток
• Месцазнаходжанне	Верхнекамскае ўзвышша
• Каардынаты	57°53′26″ пн. ш. 54°20′29″ у. д.HGЯO
Вусце	Вятка
• Месцазнаходжанне	Кірава-Чапецк
• Каардынаты	58°33′42″ пн. ш. 50°03′44″ у. д.HGЯO
Размяшчэнне
Водная сістэма	Вятка → Кама → Волга → Каспійскае мора
Краіна	Расія
Рэгіёны	Пермскі край, Удмурція, Кіраўская вобласць
Код у ДВР	10010300112111100032349
выток вусце
выток вусце
Медыяфайлы на Вікісховішчы

Даўжыня ракі 501 км. Плошча вадазбору 20 400 км². Выток ракі знаходзіцца ў Пермскім краі, на схілах Верхнекамскага ўзвышша. Упадае ў Вятку ў межах горада Кірава-Чапецк (Кіраўская вобласць). У нізоўі Чапца перасякае Вяцкі Увал. Рэльеф у басейне ракі пераважна раўнінны. Сярэдні расход вады ў ніжнім цячэнні складае 124^[2] м³/с, аб’ём сцёку 3,914^[2] км³/год. Жыўленне ракі пераважна снегавое. Замярзае ў лістападзе, вызваляецца ад лёду ў красавіку — пачатку мая. Суднаходная на 148 км (ад вусця да пасёлка Касіно)^[3].

У басейне ракі больш за 500^[2] азёраў. Прытокі Чапцы: Кен, Гразнуха, Кізелка, Лем, Пыхта, Медла, Іл, Лып, Лаза, Тугалудка, Пулыбка, Пызел, Люк, Кеп, Юнда, Сепыч, Кузьма, Жаба, Лезя, Тум, Лекма, Сізьма, Сада, Свяціца, Новая, Палынка, Святліца, Філіпаўка, Бузарка (Язвіца) і іншыя рэкі і ручаі^[3].

Каля ракі горад Глазаў і пасёлак Яр.

Зноскі

1. Большой энциклопедический словарь: В 2-х т. / Гл. ред. А. М. Прохоров. — М.: Сов. энциклопедия, 1991. — Т. 2. — С. 630. — 768 с. — 2 000 000 экз. — ISBN 5-85270-044-4 (т. 2.). (руск.)
2. Алексеевский Н. И., Антонова М. М. Чепца // Научно-популярная энциклопедия «Вода России» (руск.)
3. Река Чепца // Государственный водный реестр РФ (руск.)