Чарвятка

Чарвя́тка, Чарвя́та — возера ў Полацкім раёне Віцебскай вобласці Беларусі ў басейне ракі Палата. Знаходзіцца ў 24 км на паўночны ўсход ад горада Полацк і за 1,5 км на поўнач ад вёскі Кулькі.

Чарвя́тка, Чарвята
Морфаметрыя
Вышыня над узроўнем мора	135,4 м
Даўжыня	2,55 км
Шырыня	2,35 км
Плошча	4,25 км²
Аб’ём	0,00602 км³
Даўжыня берагавой лініі	7,8 км
Найбольшая глыбіня	2,6 м
Гідралогія
Салёнасць	0,11 ‰
Празрыстасць	0,4 м
Басейн
Плошча вадазбору	13,7 км²
Упадаюць	ручаі
Выцякаюць	ручаі
Размяшчэнне
Краіна	Беларусь
Чарвя́тка, Чарвята
Чарвя́тка, Чарвята
Медыяфайлы на Вікісховішчы

Плошча воднай паверхні возера 4,25 км², даўжыня 2,55 км, найбольшая шырыня 2,35 км. Глыбіня возера дасягае 2,6 м. Вадазбор плошчай 13,7 км нізінны, складзены з пяскоў.
Катлавіна возера рэшткавага тыпу мае акруглую форму. Схілы катлавіны спадзістыя вышынёй 5—7 метраў, пясчаныя. Берагавая лінія слабазвілістая. Берагі нізкія і забалочаныя.
Дно возера Чарвятка плоскае. Большая частка дна пакрытае слоем сапрапеля таўшчынёй каля 3 метраў. У прыбярэжнай частцы ў асобных месцах дно пясчанае і пясчана-глеістае.

Возера эўтрофнае, слабапраточнае. Упадаюць ручаі, выцякае ручай у раку Палата і на паўднёвым усходзе пратока ў возера Гало́вец^[1]. Зарастае каля 16 % плошчы возера. Колернасць вады да 60°. Шырыня паласы прыбярэжнай расліннасці складае 10—80 метраў. Растуць трыснёг, чарот, хвошч, асака. Падводная расліннасць пашыраецца да глыбіні 1,7 м.

У возеры водзяцца лешч, акунь, шчупак, плотка, джгір і іншыя віды рыб.

Зноскі

1. Націск у адпаведнасці з Природа Белоруссии: Популярная энциклопедия / Редкол.: И. П. Шамякин (гл. ред.) и др. — 2-е изд. — Мн.: БелСЭ, 1989. — С. 147. — 599 с. — 40 000 экз. — ISBN 5-85700-001-7.