Чароўная гарэзніца

«Чароўная гарэзніца» (фр.: La Belle Noiseuse) — мастацкі фільм 1991 года рэжысёра Жака Рывета. Галоўныя ролі выканалі Мішэль Пікалі, Джэйн Біркін, Эмануэль Беар^[6].

Чароўная гарэзніца
фр.: La Belle Noiseuse
Жанры	драматычны фільм[1][2] і экранізацыя літаратурнага твору[d]
Рэжысёр	Жак Рывет[1][2]
Прадзюсар	Martine Marignac[d]
На аснове	Le Chef-d'œuvre inconnu[d]
Сцэнарысты	Pascal Bonitzer[d] Жак Рывет Christine Laurent[d]
У галоўных ролях	Мішэль Пікалі[2] Джэйн Біркін Эмануэль Беар Marianne Denicourt[d] David Bursztein[d] Бернар Дзюфур Gilles Arbona[d]
Аператар	William Lubtchansky[d]
Кампазітар	Ігар Фёдаравіч Стравінскі
Мастак-пастаноўшчык	Emmanuel de Chauvigny[d]
Працягласць	236 хв.
Зборы	403 056 $[3]
Краіны	Францыя  Швейцарыя
Мовы	англійская і французская
Год	14 мая 1991[4], 4 верасня 1991[1] і 9 студзеня 1992[5]
IMDb	ID 0101428

Сюжэт

Пажылы мастак Эдуард Фрэнхофер (Мішэль Пікалі) дзесяць гадоў таму пачаў пісаць карціну «Чароўная гарэзніца», аднак пасля жаніцьбы з натуршчыцай Ліз (Джэйн Біркін) мастак упаў у зацяжны творчы крызіс і закінуў працу. Калі да мастака прыязджае яго малады калега Нікаля (Давід Бурштэйн) са сваёй юнай сяброўкай Марыянай (Эмануэль Беар), натхнёны яе прыгажосцю Эдуард вырашае завяршыць распачатую карціну. Марыяна пачынае хадзіць у студыю пазіраваць. Эдуард не лічыцца з камфортам натуршчыцы і ставіць яе ў самыя незвычайныя ды нязручныя позы, часам між імі адбываюцца размовы і нават спрэчкі. Неўзабаве пачынае нараджацца шэдэўр. За час працы над карцінай Марыяна мяняецца, нібы адкрываючы ў сабе нешта новае. Яна прымае рашэнне разарваць свае адносіны з Нікаля, які яе раўнуе. Мукі нараджэння шэдэўра таксама атручваюць адносіны Фрэнхофера з жонкай. Мастак прымае рашэнне замураваць карціну ўнутры сцяны сваёй студыі.

Акцёрскі склад

• Мішэль Пікалі — Эдуард Фрэнхофер, мастак
• Джэйн Біркін — Ліз, яго жонка
• Эмануэль Беар — Марыяна

Крытыка

Вядомы амерыканскі кінакрытык Роджэр Эберт адзначыў фільм чатырма зоркамі з чатырох магчымых і занёс у свой спіс «Выдатных фільмаў»^[7].

Узнагароды

Паводле інфармацыі сайта «Internet Movie Database» фільм быў адзначаны 6 кінаўзнагародамі і яшчэ 7 намінацыямі^[8].