Чорнае (Рэчыцкі раён)

У гэтага тапоніма ёсць і іншыя значэнні, гл. Чорнае.

Чо́рнае^[1] (трансліт.: Čornaje, руск.: Чёрное) — вёска ў Рэчыцкім раёне Гомельскай вобласці. Уваходзіць у склад Белабалоцкага сельсавета.

Вёска Чорнае Краіна Беларусь Вобласць Гомельская Раён Рэчыцкі Сельсавет Белабалоцкі Каардынаты 52°28′12″ пн. ш. 30°21′44″ у. д.HGЯO Першая згадка XVI стагоддзе Вышыня цэнтра 135 м Насельніцтва ▼50 чал. (2019) Часавы пояс UTC+3 Тэлефонны код +375 2340 Аўтамабільны код 3 СААТА 3245886056 Чорнае Чорнае

Чорнае на Вікісховішчы

Геаграфія

У напрамку на ўсход ад вёскі возера Хоцемля, на поўдзень ад вёскі возера Доўгае.

Гісторыя

У 1878—1881 гадах у вёсцы дзейнічала Чорненская паркетная фабрыка. Выпускала паркет масіўны (таўшчыня 1,5 цалі) і звычайны (0,5 цалі). У якасці сыравіны выкарыстоўвалі хвою, дуб, клён, граб, чырвонае дрэва. Мела паравы рухавік. За год вырабляла да 3750 квадратных сажняў паркету. У 1879—1881 гг. працавала 80 чал. На выстаўках у Парыжы (1878 г.) вырабы фабрыкі адзначаны сярэбраным медалём, на Усерасійскай прамыслова-мастацкай у Маскве (1882 г.) — бронзавым медалём.

У 1894—1899 гадах каля вёскі, ва ўрочышчы Гарычоўка, працавала Гарычоўская лесапільна-фанерна-мэблевая фабрыка. Вырабляла венскую мэблю. Мела паравую машыну і паравы кацёл (1895 год), паравы рухавік (1898 год). У 1898 годзе працавала да 62 рабочых. У 1899 годзе выраблена прадукцыі на 50 тысяч рублёў.^[2]

У 1926—1983 гадах цэнтр Чарнянскага сельсавета^[3].

У вёсцы знаходзіцца Пакроўская капліца над крыніцай з гаючай вадой, якой налічваецца больш за сто гадоў, яны былі асвечаныя ў 2007 годзе^[4].

Вядомыя асобы

• Міхайла Грамыка (1885 — 1969) — беларускі празаік, паэт, геолаг, педагог.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
2. Гарычоўская лесапільна-фанерна-мэблевая фабрыка // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 77. — 10 000 экз. — ISBN 985-11-0035-8. — ISBN 985-11-0090-0 (т. 5).
3. Рашэнне выканкома Гомельскага абласнога Савета народных дэпутатаў ад 6 кастрычніка 1983 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1983, № 32 (1766).
4. Строительство купели над святым источником в Речицком районе завершили к празднику Крещения Архівавана 15 лютага 2019. (руск.)