Чырвонагаловы каралёк

Чырвонагаловы каралёк (Regulus ignicapillus) — дробная пеўчая птушка сямейства каральковых атрада вераб’інападобных.

Чырвонагаловы каралёк
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб’інападобныя Падатрад:  Пеўчыя вераб’іныя Сямейства:  Каральковыя (Regulidae) Род:  Каралькі Від:  Чырвонагаловы каралёк
Міжнародная навуковая назва
Regulus ignicapilla Temminck, 1820
Сінонімы
Regulus ignicapillus
Арэал
Толькі гняздуе      Круглы год      Зімуе
Ахоўны статус
Выклікаюць найменшыя асцярогі IUCN 3.1 Least Concern : / 22735002
Сістэматыка на Віківідах Выявы на Вікісховішчы ITIS   916249 NCBI   73322

Апісанне

Даўжыня цела 9 см, размах крылаў 13-16 см. Вельмi падобны да жоўтагаловага каралька (верх крыху цямнейшы, нiз больш светлы), адрознiваецца па белым брыве i чорнай палосцы праз вока. У маладых яны не тaкiя выразныя.

Песня на адной вышыні i ў аднолькавым тэмпе (канцоўка крыху больш высокая) — «сi-сi-сi-сi-сiйа», позыў больш гучны i нiзкі, чым у жоўтагаловага каралька.

Пашырэнне

Арэал: Паўднёвая, Цэнтральная і Заходняя Еўропа, Малая Азія, захад Каўказа, паўночны захад Афрыкі.

Насяляе вялікія лясныя комплексы вільготных сасновых бароў з невялікай колькасцю елак і лісцевых дрэў. На поўдні Iспанii i ў Паўночнай Афрыцы жыве ў дубовых лясах. Сярод біятопаў паркi, сады, купiны дрэў сярод палёў.

У паўночнай частцы арэала пералётны, у паўднёвай частцы — аселы. На Беларусі вельмі рэдкі залётны і, магчыма, гняздуючы на крайнім захадзе від.

Асаблівасці біялогіі

Гняздо ладзіць, як правiла, на канцы галiнкi хваёвага дрэва; калi няма хваёвых дрэў, выкарыстоўвае дубы, вербы i нават ядловец. Дыяметр 10,5-11,5 см, вышыня 7-8 см, дыяметр адтуліны 2,5-3,5 см.

Яйкі (7-11, да 12) авальныя, з адным вузейшым канцом, светла-карычневыя або ружова-карычневыя. Плямы вельмі дробныя, чырвона-карычневыя (часта на шырокім канцы ўтвараюць вянок). Памеры: 13,5 х 10,5 мм.

Падвіды

Падвіды:

• R. i. ignicapillus — Еўропа;
• R. i. balearicus — Балеарскія астравы i Паўночная Афрыка;
• R. i. madeirensis — Мадэйра;
• R. i. teneriffae — Канары (некаторыя аўтары лiчаць яго за асобны вiд Regulus teneriffae).

Літаратура

• Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X

Спасылкі

• Дзікая прырода побач Архівавана 2 сакавіка 2024.