Чэстэр Алан Артур

Чэстэр Алан Артур (англ.: Chester Alan Arthur; 5 кастрычніка 1829, Фэрфілд, штат Вермонт — 18 лістапада 1886, Нью-Ёрк) — 21-ы прэзідэнт ЗША, з 1881 па 1885, рэспубліканец.

Чэстэр Алан Артур
англ.: Chester A. Arthur
20-ы віцэ-прэзідэнт ЗША 4 сакавіка 1881 — 19 верасня 1881
Папярэднік	Уільям Элман Уілер
Пераемнік	Томас Эндрус Хендрыкс
21-ы Прэзідэнт ЗША 19 верасня 1881 — 4 сакавіка 1885
Папярэднік	Джэймс Эйбрам Гарфілд
Пераемнік	Стывен Гровер Кліўленд
Нараджэнне	5 кастрычніка 1829(1829-10-05)[1][2][…] Фэрфілд[d], Franklin County[d], Вермонт, ЗША
Смерць	18 лістапада 1886(1886-11-18)[1][2][…] (57 гадоў) Нью-Ёрк, штат Нью-Ёрк, ЗША
Месца пахавання	могілкі Олбані-Рурал[d]
Імя пры нараджэнні	англ.: Chester Alan Arthur
Бацька	William Arthur[d]
Маці	Malvina Stone[d][3]
Жонка	Элен Льюіс Херндан Артур[4]
Дзеці	Chester Alan Arthur II[d], William Lewis Herndon Arthur[d][3] і Ellen Herndon Arthur[d][3]
Веравызнанне	Епіскапальная царква
Партыя	Рэспубліканская партыя ЗША (1886) Партыя вігаў (1854)
Член у	Таварыства Phi Beta Kappa
Адукацыя	Юніён-каледж[d] (1848) State and National Law School[d] (1853)
Аўтограф
Род войскаў	Армія Саюза[d]
Званне	генерал
Бітвы	Грамадзянская вайна ў ЗША
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Артур.

Біяграфія

Нарадзіўся ў сям’і баптысцкага прапаведніка. Вучыўся ў «Union College» у Скенектэдзі, у штаце Нью-Ёрк. Артур з адзнакай скончыў каледж, стаў настаўнікам, а потым і дырэктарам школы, але пасля гэтага вырашыў стаць адвакатам. Прысвяціўшы сябе адвакатуры, пасяліўся ў 1851 годзе ў Нью-Ёрку, дзе неўзабаве пачаў граць палітычную ролю і ў 1856 садзейнічаў утварэнню рэспубліканскай партыі. Падчас Грамадзянскай вайны ў ЗША 1861—1865 ён у якасці першага генерал-інспектара, а пазней генерал-кватэрмайстара Нью-Ёрка працаваў над узбраеннем войскаў штата і дастаўкай узбраення на тэатр ваенных дзеянняў.

На пасадзе Прэзідэнта ЗША

Будучы віцэ-прэзідэнтам Злучаных Штатаў, заняў прэзідэнцкую пасаду 19 верасня 1881, пасля забойства Джэймса Гарфілда. Галоўнай справай яго адміністрацыі было прыняцце «Закона аб рэформе грамадзянскай службы Пэндлтана», каб ліквідаваць разгул карупцыі. Кіраваў рэарганізацыяй Ваенна-марскіх сіл ЗША, але быў падвергнуты крытыцы за змяншэнне прафіцыту федэральнага бюджэту, які назапашваўся з канца грамадзянскай вайны. На выбарах 1884 года кандыдатуру Артура не падтрымала Рэспубліканская партыя, у выніку чаго ён пайшоў у адстаўку з 4 сакавіка 1885.