Чэхі (племя)

Чэхі — сярэднявечнае заходнеславянскае племя, якое засяляла цэнтральную частку будучай Чэхіі/Багеміі, а менавіта, цэнтральную і ніжнюю Влтаву. Менавіта яно перадало чэшскаму народу сваю саманазву. Першапачаткова, яно займала параўнальна невялікія тэрыторыі, але было самым шматлікім. Межавала з дулебамі на поўдні, злічанамі і пшаванамі на ўсходзе, літамержычамі на поўначы і лучанамі на захадзе. Галоўны горад чэхаў знаходзіўся ў раёне сучаснай Прагі.

Месцазнаходжанне сярэднявечных чэшскіх плямёнаў у межах сучаснай дзяржавы Чэхія.

У IX—X стагоддзі над племем чэхаў умацоўваецца ўлада дынастыі Пржэмысловічаў, якія на працягу некалькіх стагоддзяў змагаліся з родам Слаўнікавічаў з племя злічан, а таксама з Вршоўцамі з племя лучан. Урэшце Пржэмысловічы сабралі ўсе суседнія чэшскія плямёны пад сваёй уладай і сфармавалі адзінае княства Чэхія.

Літаратура

• История Чехии, Генрих Эдуардович Санчук, Владимир Иванович Пичета, Бася Менделеевна Руколь, А. К. Целовальникова, Иван Иванович Удальцов, Надежда Давыдовна Ратнер, 1947 г.
• Славянские древности, Любор Нидерле, New Acropolis, 1956