Шалёны П’еро

«Шалёны П’еро»^[2] (фр.: Pierrot Le Fou) — франка-італьянскі кінафільм 1965 года рэжысёра Жан-Люка Гадара, зняты па рамане Лаянела Уайта «Апантанасць» (Obsession, 1962).

Шалёны П’еро
фр.: Pierrot le Fou
Жанры	рамантычны фільм, драматычны фільм, кінакамедыя і крымінальны фільм[d]
Рэжысёр	Жан-Люк Гадар[1]
Прадзюсар	Georges de Beauregard[d]
На аснове	Obsession[d]
Сцэнарысты	Жан-Люк Гадар[1] Remo Forlani[d][1]
У галоўных ролях	Жан-Поль Бельмандо[1] Ганна Карына[1] Graziella Galvani[d][1] Dirk Sanders[d][1] Сэмюэл Фулер[d][1] Jean-Pierre Léaud[d][1] Dominique Zardi[d][1] Georges Staquet[d][1] Henri Attal[d][1] László Szabó[d] Raymond Devos[d] Roger Dutoit[d] Viviane Blassel[d] Pascal Aubier[d][1] Krista Nell[d][1] Hans Meyer[d][1]
Аператар	Raoul Coutard[d]
Кампазітары	Antoine Duhamel[d] Serge Rezvani[d]
Кінакампанія	Dino De Laurentiis Cinematografica[d]
Працягласць	110 хв.
Бюджэт	300 000 $
Краіны	Францыя  Італія
Мова	французская
Год	1965
IMDb	ID 0059592
Медыяфайлы на Вікісховішчы

Прэм’ера фільма адбылася на Венецыянскім кінафестывалі 1965 года.

Сюжэт

Фердынанд Грыфон (Жан-Поль Бельмандо) жанаты з багатай італьянкай, асаблівых пачуццяў да якой не адчувае. Яму сумна ў коле знаёмых, яго стамляюць аднастайныя размовы, але ён занадта лянівы, каб вырвацца з гэтага асяроддзя. Такім яго зрабіла забяспечанае і бестурботнае жыццё. Аднойчы ён з жонкай збіраецца на вячэру да яе бацькоў, і іх сябар прыводзіць сваю знаёмую, Мар’яну (Ганна Карына), каб яна нагледзела за іх дзецьмі. Мар’яна аказваецца старой знаёмай Фердынанда. У гасцях ён не затрымліваецца і едзе дадому, дзе застае яе. Яны ўспамінаюць мінулае і вырашаюць кінуць усё і з’ехаць разам, каб адчуць, нарэшце, смак жыцця. Мар’яна мае сувязі з мафіяй, яна здзяйсняе забойства аднаго з чальцоў групоўкі, і яны з Фердынандам зганяюць аўтамабіль злачынцаў, у багажніку якога знаходзіцца чамадан з грашыма. Пераследуемыя паліцыяй, яны спальваюць аўтамабіль, а разам з ім і грошы мафіі, і хаваюцца на бязлюдным востраве. Паступова іх жыццё зноў становіцца аднастайным, і яны пачынаюць разумець: іх мала што звязвае. Яны пакідаюць востраў і зноў адпраўляюцца на пошукі прыгод. У горадзе Мар’яна трапляе ў рукі мафіі і павінна вярнуць скрадзеныя грошы. Яна зноў здзяйсняе забойства і хаваецца. Гэта можа каштаваць жыцця Фердынанду, але яму атрымоўваецца выблытацца. Праз некалькі месяцаў ён зноў сустракае Мар’яну, якая прапануе яму выгадную справу: яны з Фрэдам, якога яна выдае за свайго брата, прадаюць яго яхту і, атрымаўшы грошы, пазбаўляюцца ад пакупнікоў. Фердынанд згаджаецца, але пасля рэалізацыі злачыннага плана Мар’яна хаваецца ад яго з Фрэдам. Фердынанд ведае, дзе іх шукаць, і адпраўляецца на востраў, дзе забівае іх, пасля чаго абмотвае сябе дынамітам і падпальвае кнот. Апамятаўшыся ў апошні момант, ён сутаргава спрабуе патушыць яго, але не паспявае.