Шашцін-Стражэ

Шашцін-Стражэ (славацк.: Šaštín-Stráže; ням.: Schoßberg-Strascha; венг.: Sasvár-Morvaőr) — горад у раёне Сеніца Трнаўскага края заходняй Славакіі.

Горад
Шашцін-Стражэ
славацк.: Šaštín-Stráže
Базіліка святой Марыі ў Шашцін-Стражэ
Сцяг Герб
48°38′30″ пн. ш. 17°09′05″ у. д.HGЯO
Краіна	Славакія
Край	Трнаўскі край
Раён	Раён Сеніца
Кіраўнік	Радаван Прстэк
Гісторыя і геаграфія
Заснаваны	1 ліпеня 1960
Першае згадванне	1218
Горад з	2001
Плошча	41,951 км²
Вышыня цэнтра	170 м
Водныя аб’екты	Рака Міява
Часавы пояс	UTC+2, летам UTC+3
Насельніцтва
Насельніцтва	5 056 чалавек (2005)
Шчыльнасць	121 чал./км²
Лічбавыя ідэнтыфікатары
Тэлефонны код	+421-34
Паштовы індэкс	908 41
Аўтамабільны код	SE
mestosastinstraze.sk
Паказаць/схаваць карты
Шашцін-Стражэ
Медыяфайлы на Вікісховішчы

Першапачаткова ўяўляў сабой дзве асобныя вёскі. Шашцін-Стражэ з’яўляецца адным з наймаладзейшых гарадоў Славакіі, атрымаўшы статус горада толькі 1 верасня 2001 года.

Геаграфія

Горад размяшчаецца на поўначы Загор’я за 18 км ад Сеніцы і за 65 км ад Браціславы. Рака Міява працякае паўз горад, падзяляючы яго на дзве часткі.

Гісторыя

Сучасны горад узнік аб’яднаннем двух паселішчаў — Шашцін і Стражэ над Міяваў. Шашцін упершыню згадваецца ў 1218 годзе як вартавая крэпасць Венгерскага каралеўства. Гэтая вёска мае шчыльнае гістарычнае дачыненне да этнічнай групы секеяў. Шашцін і Стражэ над Міяваў былі аб’яднаныя ў 1961 годзе пад агульнай назвай «Шашцінске Стражэ» (славацк.: Šaštínske Stráže). У 1971 мястэчка набыло цяперашнюю назву.

Горад знакаміты сваёй базілікай Св. Марыі, якая з’яўляецца месцам паломніцтва хрысціянскіх вернікаў.

Дэмаграфія

Статыстыка насельніцтва (10 гадоў)^[1]

Год	1994	2004	2014	2024
Колькасць людзей	4824	5039	5140	4851
Розніца		+4,45 %	+2,00 %	−5,62 %

Статыстыка насельніцтва^[1]

Год	2023	2024
Колькасць людзей	4883	4851
Розніца		−0,65 %

Паводле перапісу 2001 года колькасць насельніцтва горада налічвае 5005 чалавек. Нацыянальны склад: 95,44 % — славакі, 2,06 % — цыгане і 1,50 % — чэхі^[2].

Рэлігійны склад: 88,45 % — рыма-каталікі, 7,31 % — людзі без прыналежнасці да рэлігіі і 1,34 % — лютэране^[2].

Зноскі

1. Počet obyvateľov podľa pohlavia - obce (ročne) [om7101rr_obce=AREAS_SK] (нявызн.). Statistical Office of the Slovak Republic (31 сакавіка 2025). Праверана 31 сакавіка 2025.
2. Municipal Statistics (нявызн.)(недаступная спасылка). Statistical Office of the Slovak republic (25 снежня 2007). Архівавана з першакрыніцы 17 снежня 2007. Праверана 28 кастрычніка 2014.