Шугалей 2

У паняцця ёсць і іншыя значэнні, гл. Шугалей.

Шугалей 2 — расійска-туніскі баявік рэжысёра Максіма Брыўса, анансаваны 6 верасня 2020 года^[1]. Кінакарціна заснавана на рэальнай гісторыі двух расіян, якія трапілі ў палон да баевікоў у Лівіі.

Шугалей 2
Жанр	баявік
Рэжысёр	Максім Брыўс
Прадзюсары	Сяргей Шчаглоў, Генрых Кен
Сцэнарыст	Уладзімір Ізмайлаў
У галоўных ролях	Кірыл Аляксеевіч Палухін[d] Сяргей Мікалаевіч Яцанюк[d]
Аператары	Яўген Кардунскі, Станіслаў Міхайлаў
Кампазітар	Віталь Муканяеў
Кінакампанія	Triiks Media
Працягласць	124 хвілін
Краіны	Расія  Туніс
Мовы	руская, арабская, англійская
Год	2020
Папярэдні фільм	Шугалей
Наступны фільм	Шугалей 3
IMDb	ID 16402682

Перадгісторыя

5 ліпеня 2019 году выданне Bloomberg заявіла, што ў Лівіі арыштаваны двое расiян (Максім Шугалей і Самер Суэйфан) з Фонду абароны нацыянальных каштоўнасцяў (раней Фонд абвінавачваўся ва, нiбыта, умяшанні ў шэраг выбарных кампаній у афрыканскіх краінах^[2][3]), якіх абвінавачвалі ў спробе паўплываць на прэзідэнцкія выбары. Пракуратура часовага ўрада Лівіі ў Трыпалі заяўляла, што расiяне спрабавалі дамагчыся сустрэчы з Саіфам аль-Ісламам Кадафі. У прыватнасці, ім двойчы ўдалося наведаць палітыка ў яго доме ў Зінтане^[4][5][6]. Міністэрства замежных спраў Расіі звярнулася з афіцыйным запытам у МЗС Лівіі для высвятлення абставінаў затрымання. Расіянам не далі адваката і не дапусцілі супрацоўнікаў пасольства. Расійскія дыпламаты накіравалі ўладам Лівіі ноту пратэсту^[7]. Кіраўнік Фонду аховы нацыянальных каштоўнасцяў Аляксандр Малькевіч заявіў, што «нікога не бянтэжыць, што выбараў няма». Малькевіч адзначыў, што ў Лівіі нават не прыняты закон аб выбарах, у парушэнні якога абвінавачваюць расiян^[8]. У ФАНК пры гэтым заявілі, што іх супрацоўнікаў катавалі ў турме, а сам інцыдэнт назвалі «палітычным шантажом»^[9].

1 мая 2020 г. выйшаў фільм «Шугалей», што зняты па ініцыятыве і падтрымцы ФАНК^[10]. Кіраўнік фонду Аляксандр Малькевіч, які актыўна сачыў за лёсам захопленых расіян Максіма Шугалея і Самера Суэйфана і часткова ўдзельнічаў у іх вызваленні, заявіў, што фільм павінен быў прыцягнуць грамадскасць да іх гісторыі, а таксама дапамагчы зрушыць з мёртвай кропкі ў перамовах па іх вяртанні^[11].

Сюжэт

Дзеянні фільма адбываюцца праз год пасля першай часткі. Максім Шугалей і Самер Суэйфан усё яшчэ ўтрымліваюцца ў турме Мітыга баевікамі, звязанымі з урадам нацыянальнай згоды Фаіза Сараджа. Яго апанент фельдмаршал Халіфа Хафтар, з прычыны пачатку турэцкай інтэрвенцыі, прыпыняе наступленне на сталічны Трыпалі і загадвае адысці да лініі Сірт—Джуфра, дзе цяпер разгортваюцца асноўныя баі.

Сілы Сараджа і іх заходнія спонсары падключаюць ліберальныя расійскія СМІ, каб праз іх данесці думку аб шпіянажы з боку зняволеных супраць трыпалітанскіх уладаў. У той жа час Шугалея і Суэйфана прымушаюць прызнацца ў зборы разведданых падчас сваёй сацыялагічнай місіі, аднак тыя не пагаджаюцца. Між тым Максім перадае на волю вестку, уключаючы інфармацыю аб укладзе баевікоў і іх памагатых, сабраную падчас зняволення. У нейкі момант баевікі даведаліся пра каналы сувязі Шугалея і прыбраюць усіх, хто ўдзельнічаў у перадачы паведамленняў.

У гэты момант Фаіз Сарадж аказваецца ў цяжкім становішча з-за рускіх, так як з аднаго боку іх нельга адпусціць, таму-што палонныя могуць раскрыць небяспечныя даныя. Таксама Шугалея і Суэйфана нельга забіць, так як гэта прыцягне за сабой розныя ўскладненні. Тады вырашана было перавесці палонных з турмы баевікоў у больш камфартабельныя ўмовы. Пасля гэтага расійскія дыпламаты, якія займаліся пытаннем вызвалення суайчыннікаў, губляюць інфармацыю пра месцазнаходжанне зняволеных.

Фільм заканчваецца тытрамі, дзе было сказана, што лёс Шугалея і Суэйфана застаецца невядомым.

У ролях

Акцёр	Персанаж
Кірыл Палухін	Максім Шугалей
Алег Абалян	Самер Хасан Алі Суэйфан
Сяргей Яцанюк	Аляксандр Пракоф’еў
Кацярына Рашэтнікава	Наталля Шугалей
Руслан Барабанаў	банкір
Алег Мяцелеў	Халіфа Хафтар

Гл. таксама

• Балканская мяжа (фільм)
• Турыст (фільм, 2021)

Зноскі

1. Премьера остросюжетного боевика «Шугалей-2» — в воскресенье на НТВ (нявызн.). НТВ (31.08.2020).
2. Расследование о том, как Россия вмешивается в выборы в двадцати странах Архівавана 5 ліпеня 2019.
3. «Проект»: связанные с Пригожиным политтехнологи работают в 20 африканских странах (нявызн.)(недаступная спасылка). Архівавана з першакрыніцы 5 ліпеня 2019. Праверана 20 верасня 2020.
4. Libya Arrests Two Russians Accused of Trying to Influence Vote
5. Двух россиян арестовали в Ливии за попытку повлиять на выборы
6. В генпрокуратуре ПНС рассказали о местонахождении Сейфа аль-Ислама
7. МИД РФ выясняет причины задержания в Ливии россиян. 2019-07-08. Праверана 2019-08-05.
8. Задержанным сотрудникам российского фонда в Ливии предъявили обвинения. 2019-07-06. Праверана 2019-08-05.
9. Малькевич назвал политическим шантажом удержание властями Ливии граждан РФ. 2019-07-23. Праверана 2019-08-05.
10. «Шугалей» — художественный фильм быстрого реагирования // Regnum, 8 мая 2020
11. Премьера, которую нельзя пропустить: остросюжетный фильм «Шугалей» покажут на телеканале НТВ // Версия, 27 апреля 2020