Шуміліна (станцыя)

У паняцця ёсць і іншыя значэнні, гл. Шуміліна (значэнні).

Шумі́ліна (трансліт.: Šumilina, руск.: Шумилино)^[2] — станцыя Віцебскага аддзялення Беларускай чыгункі ў Шумілінскім раёне Віцебскай вобласці. Размешчана ў гарадскім пасёлку Шуміліна; на лініі Віцебск — Полацк, паміж станцыяй Язвіна і прыпыначным пунктам Добрына.

Станцыя
Шуміліна
Лінія Віцебск — Полацк
Беларуская чыгунка
Аддзяленне чыг.	Віцебскае аддзяленне
Дата адкрыцця	1866[1]
Класнасць	4 клас
569,382 км
Код станцыі	160905
Код у «Экспрэс-3»	2100037
Шуміліна

На станцыі чатыры пад’язныя і пяць станцыйных пуцей, вядзецца грузавая работа^[3].

Гісторыя

Будынак станцыі ў 1870 годзе.

Адкрыта 17 кастрычніка 1866 года. Будынак вакзала — двухпавярховы. Пабудаваны паводле распрацаванага для Дынабургска-Віцебскай чыгункі тыповага праекту вакзалаў 2-га класа. На першым паверсе былі памяшканні для пасажыраў (залы чакання I, II і III класаў, буфет, туалетны пакой) і адміністрацыі станцыі (для начальніка, памочніка начальніка, тэлеграф, білетныя касы). На другім паверсе былі кватэры начальніка станцыі, ягонага памочніка і іншых работнікаў. Акрамя вакзала, у комплекс станцыі ўваходзілі воданапорная вежа, пакгаўз, чыгуначныя майстэрні, а таксама былі пабудаваны жылыя дамы для персаналу і Свята-Мікалаеўская царква. Царква, майстэрні і воданапорная вежа да нашага часу не захаваліся^[4].

Да 1962 года станцыя мела назву Сіроціна (па назве мястэчка, што знаходзіцца за 9 кіламетраў ад Шуміліна)^[5].

У лістападзе 2014 года перад будынкам станцыі быў усталяваны бюст Паўлу Мельнікаву  (руск.). Перад помнікам устаноўлены камень з тэкстам тэлеграмы пра адкрыццё чыгуначнай лініі ў 1866 годзе^[6].

У кіно

На шумілінскім вакзале здымалі адну са сцэн фільма «Чорная бяроза»^[7].

Зноскі

1. Архангельский А.С., Архангельский В.А. Железнодорожные станции СССР: Справочник. В двух книгах. Кн. II. — Масква: Транспорт, 1981. — С. 234.
2. Шуміліна (станцыя) на сайце Дзяржаўнага цэнтра картографа-геадэзічных матэрыялаў і даных Рэспублікі Беларусь
3. Екатерина Осовская. Развиваться и идти дальше (руск.). xpress.by (2 кастрычніка 2021). Праверана 17 снежня 2021.
4. Сяргей Ермалаеў. Шумілінскі вакзал (нявызн.)(недаступная спасылка). shumilino.by (10 кастрычніка 2016). Архівавана з першакрыніцы 14 жніўня 2022. Праверана 30 сакавіка 2021.
5. Архангельский А.С., Архангельский В.А. Железнодорожные станции СССР: Справочник. В двух книгах. Кн. II. — Масква: Транспорт, 1981. — С. 297.
6. Сяргей Ермалаеў. Адкрыты помнік Паўлу Мельнікаву (нявызн.)(недаступная спасылка). shumilino.by (24 лістапада 2014). Архівавана з першакрыніцы 17 снежня 2021. Праверана 17 снежня 2021.
7. Марина Павлова. Шумилинскому вокзалу – 140 лет (руск.)(недаступная спасылка). vitebsk.cc (26 кастрычніка 2006). Архівавана з першакрыніцы 6 сакавіка 2021. Праверана 26 сакавіка 2021.