Шчарчоўскі сельсавет

Шчарчо́ўскі сельсавет — адміністрацыйна-тэрытарыяльная адзінка ў складзе Пружанскага раёна Брэсцкай вобласці Беларусі. Адміністрацыйны цэнтр — аграгарадок Шчарчова.

Шчарчоўскі сельсавет
Краіна	Беларусь
Уваходзіць у	Пружанскі раён
Уключае	22 населеныя пункты
Адміністрацыйны цэнтр	Шчарчова
Дата ўтварэння	12 кастрычніка 1940
Насельніцтва (2019)	606
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года як Шчэрчаўскі сельсавет у складзе Шарашоўскага раёна Брэсцкай вобласці БССР. Цэнтр — вёска Шчэрчава. З 17 снежня 1956 года ў складзе Пружанскага раёна. 15 студзеня 1962 года да сельсавета далучана тэрыторыя скасаванага Бродскага сельсавета^[1]. У 1964 годзе ў склад Крыніцкага сельсавета перададзена вёска Ясень^[2]. На 1 студзеня 1974 года ў складзе сельсавета 23 населеныя пункты^[3]. 5 сакавіка 1981 года сельсавет перайменаваны ў Шчарчоўскі, а яго цэнтр — у Шчарчова.

Насельніцтва сельсавета паводле перапісу 2009 года — 867 чалавек^[4], з іх 86,2 % — беларусы, 6,6 % — украінцы, 5,8 % — рускія, 1,0 % — палякі^[5]; паводле перапісу 2019 года — 606 чалавек^[6].