Шышняк

Шышня́к^[1][2][3] (Myriophyllum) — род кветкавых раслін сямейства Сланаягаднікавыя (Haloragaceae).

Шышняк
Myriophyllum aquaticum
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Каменяломнікакветныя Сямейства:  Сланаягаднікавыя Род:  Шышняк
Міжнародная навуковая назва
Myriophyllum L. (1753)
Сістэматыка на Віківідах Выявы на Вікісховішчы ITIS   27034 NCBI   24952 EOL   61693 GRIN   g:7919 IPNI   30028764-2 FW   118085

Батанічнае апісанне

Шматгадовыя водныя травяністыя расліны з паўзучым карэнішчам. Сцябло трубчастае, галінастае, аблісцелае. Лісце перыста-раздзельнае, рэдка суцэльнае, кальчаковае. Кветкі дробныя, белаватыя, ружаватыя, у рэдкіх верхавінкавых каласках, якія выступаюць з вады. Плод распадаецца на 4 касцянкі. Корм для рыб і птушак. Некаторыя віды вырошчваюць у акварыумах.

Арэал і экалогія

Шышняк каласавы, ці каласісты (Myriophyllum spicatum). Батанічная ілюстрацыя Якаба Штурма з кнігі «Deutschlands Flora in Abbildungen», 1796

Род налічвае каля 40 відаў^[1]. Пашыраны ўсюды. На тэрыторыі Беларусі 2 віды: шышняк каласавы, ці каласісты (Myriophyllum spicatum) і шышняк мутоўчаты, ці шышняк кальчаковы (Myriophyllum verticillatum). Трапляюцца ў рэках, азёрах, старыцах на глыбіні да 2 метраў, часта ўтвараюць зараснікі.