Шэйпічы (Асіповіцкі раён)

У паняцця ёсць і іншыя значэнні, гл. Шэйпічы.

Шэ́йпічы^[1] (трансліт.: Šejpičy, руск.: Шейпичи) — вёска ў Асіповіцкім раёне Магілёўскай вобласці. Уваходзіць у склад Свіслацкага сельсавета.

Вёска Шэйпічы Краіна Беларусь Вобласць Магілёўская Раён Асіповіцкі Сельсавет Свіслацкі Каардынаты 53°22′50″ пн. ш. 28°58′28″ у. д.HGЯO Насельніцтва ▼77 чал. (2009) Часавы пояс UTC+3 Тэлефонны код +375 2235 Аўтамабільны код 6 СААТА 7248844076 Шэйпічы Шэйпічы

Гісторыя

Згадваецца ў 1560 годзе як вёска ў абмежаванні сёлаў Свіслацкай воласці ВКЛ^[2].

Назва

Назва іменнага паходжання, ад балцка-літоўскага антрапоніма тыпу Šeipys. Адпаведнае прозвішча (як і вытворнае ад яго патранімічнае Šeipūnas) вядомае ў сучаснай літоўскай антрапаніміі^{[крыніца?]}.

Звязваецца з літоўскім šeipuoti, šieptis «шчэрыцца, шчэрыць зубы (пасміхаючыся, смеючыся), зубаскаліць», антрапонім быў іменем-мянушкай са значэннем «Скалазуб».

Ніжэй па правым беразе Бярэзіны — Вайнілава (ад балцка-літоўскага аднаасноўнага імя Vainilà), вышэй — Вінорава (ад двухасноўнага імя Vai-nor’as).

Назва Шэйпічы другаснага паходжання, яе мелі прынесці перасяленцы з-пад Ваўкавыска, дзе ёсць (каля Ружанаў) вёска Шэйпічы^{[крыніца?]}. На «ваўкавыскі» кірунак паказвае тапонім Ваўкавыск каля Ігумена (Чэрвеня), у суправаджэнні іншых адыменных тапонімаў балцка-літоўскага паходжання (Вайнілава, Кукалеўка, Камейкі). Такія іменныя назвы сягаюць першай паловы XV стагоддзя, калі на ўсходзе рассялялася літоўскае баярства з мэтай умацавання ВКЛ^[3].