Эстэр Рахель Камінская

Эстэр Рахель Камінская (народжаная Хальперн; ідыш: אסתר רחל קאַמינסקאַ; 10 сакавіка 1870, Поразава — 25 снежня 1925, Варшава) — актрыса тэатра і кіно яўрэйскага паходжання; заснавальніца Яўрэйскага тэатра ў Варшаве. Многімі лічыцца «мацераю яўрэйскага тэатра».

Эстэр Рахель Камінская
אסתר רחל קאַמינסקאַ
Імя пры нараджэнні	Эстэр Рахель Хальперн
Дата нараджэння	10 сакавіка 1870(1870-03-10)[1]
Месца нараджэння	Поразава, Гродзенская губерня, Літоўскае генерал-губернатарства, Расійская імперыя
Дата смерці	25 снежня 1925(1925-12-25)[1] (55 гадоў)
Месца смерці	Варшава, Польшча
Месца пахавання	Яўрэйскія могілкі ў Варшаве[d]
Грамадзянства	Расійская імперыя  Польская Рэспубліка
Муж	Abraham Izaak Kamiński[d]
Дзеці	Regina Kamińska[d], Іда Каміньска і Joseph Kaminski[d]
Прафесія	акцёрка
Кар’ера	1888—1925
IMDb	0436704
Медыяфайлы на Вікісховішчы

Біяграфія

Магіла Эстэр Рахель Камінскай. Аўтар надгробнай пліты — Фелікс Рубінліхт.

Нарадзілася ў Поразаве ў сям'і Шымана Хальперна — кантара гарадской сінагогі. Дэбютавала ў 1888 г. у трупе Абрагама Іцхака Камінскага, за якога выйшла замуж у 1893^[2]. У 1892 выступае на сцэне вядомага варшаўскага тэатра «Эльдарада». У 1893 трупа Камінскага атрымлівае дазвол выступаць у памяшканні расійска-польскага варшаўскага тэатра Альгінскай^[3]. Тут Эстэр Рахель выконвае ролі ў меладрамах, камедыях і аперэтах.

У 1906 Абрагам Камінскі засноўвае свой тэатр у Варшаве. У 1908 Камінскія дамагліся аб'яднаць лепшых яўрэйскіх акцёраў Варшавы ў «Літэрарышэ трупэ» («Літаратурная трупа»), якую неўзабаве ўзначаліла Эстэр Рахель^[3]. На яе загад у рэпертуар трупы былі ўключаны найноўшыя творы яўрэйскіх аўтараў — Іцхока-Лейбуша Перэца, Якава Гордзіна, Давіда Пінскага і іншых, што заклала падмурак сур'ёзнага яўрэйскага драматычнага рэпертуару.

У 1913 Абрагам Камінскі заснаваў новы тэатр у Варшаве на вуліцы Абознай 1 / 3. Сродкі на яго былі здабыты ў часе турнэ па Злучаных Штатах (1909—1910). У 1910 трупа разам з Эстэр Рахель гастралявала ў Санкт-Пецярбургу, Маскве, Кіеве і многіх іншых гарадах Расійскай імперыі, у 1913 — у Парыжы і Лондане^[3]. У кіно пачала здымацца да Першай сусветнай вайны.

У 1925 Эстэр Рахель Камінская памерла. У 1926 варшаўскі штотыднёвік «Дэр момент» апублікаваў яе ўспаміны — «Дэрнер ун блумен» («Церніі і кветкі»)^[2]. Пахаваная на яўрэйскіх могілках у Варшаве (участак 39)^[4][5].

Эстэр Рахель і Абрагам Камінскія мелі траіх дзяцей: Рэгіну, Іду і Юзафа.

Фільмаграфія

• 1923: Ткіес каф (Змова)
• 1914: Мачыха
• 1914: Забой
• 1913: Незнаёмы
• 1912: Мірэле Эфрас

Зноскі

1. Person Profile // Internet Movie Database — 1990. Праверана 14 жніўня 2015.

   <a href='https://wikidata.org/wiki/Track:Q37312'></a>
2. КАМИНЬСКИЕ, семья деятелей театра на идиш. (руск.). eleven.co.il (23 кастрычніка 2011).
3. Династия Каминьских (руск.)(недаступная спасылка). История евреев Беларуси (23 кастрычніка 2011). Архівавана з першакрыніцы 5 сакавіка 2016. Праверана 3 жніўня 2014.
4. Grób Ester Rachel Kamińskiej w bazie danych Cmentarza Żydowskiego przy ul. Okopowej w Warszawie
5. Cmentarze m. st. Warszawy. Cmentarze żydowskie. — Warszawa, 2003. — ISBN 83-916419-3-7.