Эфір (міфалогія)

У паняцця ёсць і іншыя значэнні, гл. Эфір.

Эфі́р (стар.-грэч.: Αἰθήρ — горнае паветра) у старажытнагрэчаскай міфалогіі^[1] — верхні пласт паветра (неба), месцазнаходжанне багоў, а таксама яго увасабленне (персаніфікацыя) — бажаство Эфір.

Эфір
Αἰθήρ
Міфалогія	Старажытнагрэчаская міфалогія
Пол	мужчынскі пол
Занятак	бог аблокаў
Бацька	Эрэб
Маці	Нюкта
Браты і сёстры	Гемера
Жонка	Гемера
Дзеці	Уран, Гея, Тартар, Таласа.
Перыяд жыцця	несмяротны

Эфір як частка свету — верхні (горны), найбольш лёгкі (тонкі, разрэджаны), празрысты і прамяністы пласт паветра, верхні пласт неба, якім дыхаюць і жывуць багі. Эфір дасягае вяршыні Алімпа, дзе знаходзяцца алімпійскія багі.

Па найбольш папулярнай версіі, бог Эфір быў сынам Эрэба (падземнай Цемры) і Нюкты-Ночы, братам Гемеры (Дня)^[2].

Па версіі паэмы «Тытанамахія», Эфір і Гемера былі бацькамі Геі-Зямлі, Урана-Неба^[3], Понта (Мора), Акіяна, Тартара. У выкладзе Гігіна, Эфір нарадзіўся ад Хаоса і Імглы^[4]. Па іншай версіі, Эфір — бацька Зеўса^[5]. Зываецца бацькам вятроў^[6].

Зноскі

1. Любкер Ф. Реальный словарь классических древностей. М., 2001. В 3-х т. Т. 1. С. 50
2. Гесіёд. Тэагонія 124
3. Тытанамахія, фр. 2 Іўлін-Уайт
4. Гігін. Міфы. Увядзенне 1
5. Цыцэрон. Аб прыродзе багоў III стар. 53
6. Гамер. Адысея V стар. 296