Элеанора Раманаўна Вішнеўская

Элеанора Раманаўна Вішнеўская (1 верасня 1933, Менск — 2016^[1], Мінск) — беларускі архітэктар.

Элеанора Раманаўна Вішнеўская
Дата нараджэння	1 верасня 1933(1933-09-01)
Месца нараджэння	Менск, БССР, СССР
Дата смерці	2016
Месца смерці	Мінск, Беларусь
Грамадзянства	Беларусь
Альма-матар	БПІ (1958)
Месца працы	Белдзяржпраект
Член у	Саюз архітэктараў СССР Беларускі саюз архітэктараў
Узнагароды	Грамата Прэзідыума Вярхоўнага Савета БССР (1983)

У Вікіпедыі ёсць артыкулы пра іншых людзей з прозвішчам Вішнеўская.

Біяграфія

Нарадзілася 1 верасня 1933 года ў Менску. Скончыла Беларускі політэхнічны інстытут у 1958 годзе. З 1958 года — архітэктар, галоўны архітэктар праектаў у Белдзяржпраекце^[2].

Член Саюза архітэктараў СССР з 1962 года. Пражывала ў Мінску^[2]. Памерла ў 2016 годзе^[1].

Творчасць

Асноўныя працы (у аўтарскім калектыве): клуб трактарнага завода (1961), інтэр’ер залы Белдзяржфілармоніі (1962) у Мінску, міжнародны маладзёжны лагер «Юнацтва» на Заслаўскім вадасховішчы пад Мінскам (1973), серыі тыпавых праектаў малых архітэктурных форм і элементаў добраўпарадкавання рознага прызначэння (1973—1988), домікаў, гаспадарчых будоў для садовых участкаў (1978—1988), жылыя дамы для індывідуальнага будаўніцтва ў гарадах і гарадскіх пасёлках БССР (1985—1988), індывідуальныя праекты добраўпарадкавання тэрыторыі жылых і грамадскіх зон Мінска (1975—1988). Сярод друкаваных выданняў — «Каталог малых архітэктурных формаў» (Мінск, 1979), «Домік на садовым участку» (Мінск, 1988)^[2].

Бібліяграфія

• Домик на садовом участке : практическое пособие / Э. Р. Вишневская, А. Н. Найдович. — Минск, 1988.

Узнагароды

Узнагароджана Граматай Прэзідыума Вярхоўнага Савета БССР (1983)^[2].

Зноскі

1. MEMORIUM
2. Вишневская Элеонора Романовна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)