Юбілейны медаль «40 гадоў Узброеных Сіл СССР»

Юбіле́йны меда́ль «40 гадо́ў Узбро́еных Сіл СССР» заснаваны Указам Прэзідыума Вярхоўнага Савета СССР ад 18 снежня 1957 года ў адзначэнне 40-й гадавіны Узброеных Сіл СССР. Аўтар малюнка медалі — мастак В. І. Гаголін.

Юбілейны медаль «40 гадоў Узброеных Сіл СССР»
Краіна	СССР
Тып	медаль
Каму ўручаецца	маршалам, генералам, адміралам, афіцэрам, а таксама старшыням, сяржантам, салдатам і матросам звыштэрміновай службы
Падставы ўзнагароджання	знаходзяцца да 23 лютага 1958 года ў кадрах Савецкай Арміі, Ваенна-Марскога Флоту, войскаў МУС, войскаў і органаў КДБ пры Савеце Міністраў СССР
Дата заснавання	18 снежня 1957
Статус	не ўручаецца
Статыстыка ўзнагароджанняў
Колькасць	820 080
Характарыстыкі
Матэрыял	Латунь
Памеры	дыяметр — 32 мм
Чарговасць узнагарод
Старэйшая	Юбілейны медаль «30 гадоў Савецкай Арміі і Флоту»
Малодшая	Юбілейны медаль «50 гадоў Узброеных Сіл СССР»
Медыяфайлы на Вікісховішчы

Юбілейным медалём «40 гадоў Узброеных Сіл СССР» узнагароджваюцца маршалы, генералы, адміралы, афіцэры, а таксама старшыны, сяржанты, салдаты і матросы звыштэрміновай службы, якія знаходзяцца да 23 лютага 1958 года ў кадрах Савецкай Арміі, Ваенна-Марскога Флоту, войскаў МУС, войскаў і органаў КДБ пры Савеце Міністраў СССР.

Юбілейны медаль «40 гадоў Узброеных Сіл СССР» носіцца на левым боку грудзей і пры наяўнасці іншых медалёў СССР размяшчаецца пасля юбілейнага медаля «30 гадоў Савецкай Арміі і Флоту».

Па стану на 1 студзеня 1995 года юбілейным медалем «40 гадоў Узброеных Сіл СССР» узнагароджана прыблізна 820 080 чалавек.

Апісанне медаля

Юбілейны медаль «40 гадоў Узброеных Сіл СССР» вырабляецца з латуні і мае форму правільнага круга дыяметрам 32 мм.

На адным боку медаля, у цэнтры — барэльефны малюнак У. І. Леніна ў профіль, звернуты ў левы бок.

У ніжняй частцы медаля — рэльефны надпіс «40» на двух перакрыжаваных лаўра-дубовых галінах.

На адваротным боку медаля надпіс — па акружнасці: «В ОЗНАМЕНОВАНИЕ СОРОКОВОЙ ГОДОВЩИНЫ», у цэнтры: «ВООРУЖЕННЫХ СИЛ СССР» і дата «1918—1958», унізе малюнак маленькай пяціканцовай зоркі.

Края медаля абрамлены борцікам. Усе надпісы і выявы на медалі выпуклыя.

Медаль пры дапамозе вушка і кальца злучаецца з пяцікутнай калодкай, абцягнутай шаўковай шэрай муаравай стужкай шырынёй 24 мм. Пасярэдзіне стужкі дзве чырвоныя палоскі шырынёй 2 мм, па краях стужкі таксама чырвоныя палоскі шырыней па 2 мм.

Літаратура

• Володин А. Н., Мерлай Н. М. Медали СССР. — СПб.: Печатный двор, 1997. — С. 178—179. — ISBN 5-7062-0111-0.
• Колесников Г. А., Рожков А. М. Ордена и медали СССР. — Мн.: Народная асвета, 1986. — С. 93.

Спасылкі

• Медалі і ордэны СССР: Юбілейны медаль «40 гадоў Узброеных Сіл СССР»