Юзаф Корсак (кашталян полацкі)

У Вікіпедыі ёсць артыкулы пра іншых асоб з падобнымі імёнамі, гл. Корсак і Юзаф Корсак.

Юзаф Корсак, таксама сустракаецца Іосіф Корсак^[4] (каля 1540 — 1618) — вялікалітоўскі дзяржаўны дзеяч.

Юзаф Корсак
Герб «Корсак»
2-і суддзя земскі полацкі[d] 1574 — 20 жніўня 1597
Папярэднік	Лукаш Багданавіч Гарабурда
Пераемнік	Францішак Барташавіч Жук[d]
4-ы кашталян полацкі 25 кастрычніка 1597 — 1618
Папярэднік	Вацлаў Шэмет
Пераемнік	Мікалай Багуслаў Зяновіч
7-ы кашталян менскі 20 жніўня 1597 — 25 кастрычніка 1597
Папярэднік	Андрэй Паўлавіч Сапега
Пераемнік	Пётр Дарагастайскі
Нараджэнне	каля 1540
Смерць	1618
Род	Корсакі
Бацька	Ян Глебавіч Корсак[d]
Жонка	Багуміла з Прытулісаў[d][1][2] і Тэадора з Гарабурдаў[d][3]
Веравызнанне	кальвінізм[3]

Біяграфія

Каля 1572 года намінаваны на ўрад полацкага земскага суддзі (упершыню згадваецца з гэтым тытулам у кастрычніку 1574), 27 ліпеня 1586 года стаў першым полацкім войскім, пакінуўшы ўрад земскага суддзі. Але згодна са Статутам 1588 года ўрад земскага суддзі стаў вышэй за ўрад войскага, таму неўзабаве Есіф Корсак зноў становіцца земскім суддзём (згадваецца як земскі суддзя ў 1592).

20 жніўня 1597 года паступіў на ўрад кашталяна менскага, а 25 кастрычніка 1597 года — кашталяна полацкага.

Валодаў маёнткамі Залессе і Лятоўшчына.

Сям’я

З роду Корсакаў герба «Котвіца змененая», сын полацкага падваяводы Яна Глебавіча Корсака.

Быў жанаты двойчы: першы раз ў 1576 годзе з Багумілай, дачкой Адама Прытуліса; другі раз з Тэадорай, дачкой Лукаша Гарабурды, удавой Стэфана Галубіцкага-Корсака.

Памёр бяздзетным, завяшчаў маёнткі сынам свайго брата Гаўрылы.

Зноскі

1. Urzędnicy Wielkiego Księstwa Litewskiego. Spisy, t. III, Księstwo Żmudzkie XV‒XVIII wiek / пад рэд. A. Rachuba — Warszawa: Wydawnictwo DiG, 2015. — С. 84. — 370 с. — ISBN 978-83-7181-312-2

   <a href='https://wikidata.org/wiki/Track:Q125547603'></a><a href='https://wikidata.org/wiki/Track:Q9379197'></a><a href='https://wikidata.org/wiki/Track:Q11686050'></a>
2. Monografia rodziny Szemiothów (Szemetów, Szemiotów) herbu Łabędź odmienny, XV―XXI wiek / пад рэд. H. Lulewicz — Warszawa: Neriton, 2022. — С. 85. — 851 с. — ISBN 978-83-66018-15-0

   <a href='https://wikidata.org/wiki/Track:Q11790666'></a><a href='https://wikidata.org/wiki/Track:Q22114975'></a><a href='https://wikidata.org/wiki/Track:Q129671324'></a>
3. Urzędnicy Wielkiego Księstwa Litewskiego. Spisy, t. V, Ziemia połocka i województwo połockie XIV‒XVIII wiek / пад рэд. Г. Люлевіч — Warszawa: 2018. — С. 103. — ISBN 978-83-65880-49-9

   <a href='https://wikidata.org/wiki/Track:Q120756022'></a><a href='https://wikidata.org/wiki/Track:Q22114975'></a>
4. ЭнцВКЛ