Андрэй Паўлавіч Сапега

У Вікіпедыі ёсць артыкулы пра іншых асоб з падобнымі імёнамі, гл. Сапега і Андрэй Сапега.

Андрэй Паўлавіч Сапега (каля 1560 — да 11 кастрычніка 1621) — вялікалітоўскі дзяржаўны і ваенны дзеяч. Падчашы вялікі літоўскі (1588—1592), кашталян менскі (1592—1597), ваявода полацкі (1597—1613) і смаленскі (з 1621).

Андрэй Паўлавіч Сапега
польск.: Andrzej Sapieha
Андрэй Сапега. З Кодзенскай галерэі, 1709
Герб «Ліс»
11-ы Ваявода смаленскі 1621
Папярэднік	Мікалай Глябовіч
Пераемнік	Міхал Друцкі-Сакалінскі
8-ы Ваявода полацкі 1597 — 1613
Папярэднік	Мікалай Дарагастайскі
Пераемнік	Міхал Друцкі-Сакалінскі
6-ы Кашталян менскі 1592 — 1597
Папярэднік	Марцін Стравінскі
Пераемнік	Язэп Корсак
Вялікі падчашы літоўскі 1588 — 1592
Папярэднік	Канстанцін Астрожскі
Пераемнік	Крыштаф Дарагастайскі
Нараджэнне	каля 1560
Смерць	да 11 кастрычніка 1621
Род	Сапегі
Бацька	Павел Сапега
Маці	Аляксандра Хадкевіч
Жонка	1) Марыя Чартарыйская 2) Крыстына Дэмбінская
Дзеці	ад 2-га шлюбу: Станіслаў Тамаш, Ганна, Аляксандра, Крыстына, Ядвіга, Марыяна, Дарота
Медыяфайлы на Вікісховішчы

Валодаў Вішніцамі, Сапежышкамі, маёнткамі на Падляшшы.

Біяграфія

З кодзенскай лініі магнацкага роду Сапегаў герба «Ліс», сын Паўла і Аляксандры з Хадкевічаў. Меў братоў Мікалая і Багдана.

У 1590-я навучаўся ў Падуанскім універсітэце. Ротмістрам удзельнічаў у Інфлянцкай вайне (1558—1582). 21 кастрычніка 1578 года разам са шведскім военачальнікам Юргенам Боем разграміў маскоўскія аддзелы пад камандаваннем князя Івана Юр’евіча Галіцына, што ўзялі ў аблогу Вендэн, і захапіў у палон маскоўскіх ваяводаў князёў П. І. Тацева і П. І. Хварасцініна.

Займаў шэраг дзяржаўных пасад, у тым ліку ваяводы полацкага з 1597. Пасля таго як ен выказаўся супраць волі большасці магнатаў ВКЛ "за" прызначэнне паляка Бернарда Маціеўскага віленскім біскупам на сойме звычайным 1598 года^[1]. Улез у мясцовы канфлікт за маемасць (прыхапіў сабе Чарсвяты і Курылавічы, якія належалі Полацкаму замку) і паспробаваў прымусіць гараджан замыкаць крамы ў каталіцкія святы. Пасля чаго ў ліпені 1599 г. выбухнула паўстанне палачан. Горад і шляхта адмовіліся яму падначальвацца і шантажавалі караля зыходам да Масквы. Ня могучы нават прыехаць у горад, з 1600 г. А. Сапега пачынае шукаць пакупніка на пасаду полацкага ваяводы. Прадаць пасаду яму ўдаецца толькі ў 1613 г. Ваяводам смаленскім стаў у 1621

Неаднаразова выязджаў за мяжу, галоўным чынам у Італію: у 1579, 1592 і 1608.

Упершыню ажаніўся з Марыяй Чартарыйскай (шлюб у 1569), другі раз пабраўся шлюбам з Крыстынай Дэмбінскай (у 1570), з якой меў сына Станіслава Тамаша, а таксама дачок Ганну, Аляксандру, Крыстыну, Ядвігу, Марыяну і Дароту.

Генеалогія

Іван Сямёнавіч Сапега (каля 1450 — 1517)

NN

Аляксандр Іванавіч Хадкевіч (каля 1475 — 1549)

Васіліса Яраславіч

Павел Іванавіч Сапега (каля 1490 — 1579)

Аляксандра Хадкевіч (? — каля 1583)

Марыя Чартарыйская (? — 1569/1570)

Андрэй Паўлавіч Сапега (каля 1560 — 1621)

Крыстына Дэмбінская (? — 1615)

Зноскі

1. Seredyka, J. Rozprawy z dziejów XVI i XVII wieku / Jan Seredyka; [Wyższa Szkoła Zarządzania i Bankowości, Jednostka Uczelniana w Poznaniu]. — Poznań: «Forum Naukowe»; Wrocław: «Passat» — Paweł Pietrzyk, 2003. — 311 s.: 1 portr., tab. — S. 174, 178, 221.