Юнацтва (фантан)

«Юнацтва» — фантан у цэнтры Мінску, у скверы імя Эдварда Вайніловіча, недалёка ад плошчы Незалежнасці.

Славутасць
Юнацтва
53°53′49″ пн. ш. 27°32′55″ у. д.HGЯO
Краіна	Беларусь
Месцазнаходжанне	Мінск
Скульптар	Анатоль Аляксандравіч Анікейчык
Архітэктар	Юрый Міхайлавіч Градаў і Леанід Мендэлевіч Левін
Дата пабудовы	1977
Матэрыял	бронза і граніт

У паняцця ёсць і іншыя значэнні, гл. Юнацтва (значэнні).

Фантан у скверы пабудаваны ў 1977 годзе па праекце скульптара Анатоля Анікейчыка і архітэктараў Юрыя Градава і Леаніда Левіна. У асіметрычнай формы басейне на 2 гранітных валунах адна супраць адной устаноўлены 4-метровыя бронзавыя ўкленчаныя фігуры юнака і дзяўчыны. У руках яны трымаюць чашы, з якіх ліецца вада. Пластыка фігур, роўнядзь вады з астраўкамі зеляніны, ніцыя вербы, строгая велічнасць валуноў ствараюць рамантычны настрой, надаюць ўспрыманню лірычную ўзнёсласць^[1].