Юрый Аляксеевіч Сянько

Юрый Аляксеевіч Сянько (1967^[1], в. Даўгінава, Карэліцкі раён, Гродзенская вобласць) — беларускі дзяржаўны дзеяч. Старшыня Дзяржаўнага мытнага камітэта (2014^[2]—2020), Надзвычайны і Паўнамоцны Пасол Беларусі ў Кітаі (2020—2023), старшыня Федэрацыі прафсаюзаў Беларусі (3 2024).

Юрый Аляксеевіч Сянько
Старшыня Федэрацыі прафсаюзаў Беларусі з красавік 2024
Папярэднік	Міхаіл Орда
Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы 19 лістапада 2020 — 20 лістапада 2023
Прэзідэнт	Аляксандр Лукашэнка
Папярэднік	Мікалай Снапкоў
Пераемнік	Аляксандр Чарвякоў
Старшыня Дзяржаўнага мытнага камітэта 6 лістапада 2014 — 19 лістапада 2020
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў Сяргей Румас
Папярэднік	Аляксандр Шпілеўскі
Пераемнік	Уладзімір Арлоўскі
Нараджэнне	1967 Карэліцкі раён, Гродзенская вобласць, Беларуская ССР, СССР
Адукацыя	Гродзенскі дзяржаўны ўніверсітэт імя Янкі Купалы (1992) Акадэмія кіравання пры Прэзідэнце Рэспублікі Беларусь (2006)
Ваенная служба
Званне	Дзяржаўны саветнік мытнай службы III рангу Дзяржаўны саветнік мытнай службы III рангу
Узнагароды	Юбілейны медаль «90 год міліцыі Беларусі» Юбілейны медаль «90 год органам дзяржаўнай бяспекі Беларусі» Юбілейны медаль «90 год на варце граніцы» Юбілейны медаль «90 гадоў Узброенным Сілам Рэспублікі Беларусь» Медаль «За супрацоўніцтва» Медаль «65 гадоў вызвалення Рэспублікі Беларусь ад нямецка-фашысцкіх захопнікаў» Медаль «65 гадоў Перамогі ў Вялікай Айчыннай вайне 1941—1945 гг.» Юбілейны медаль «20 год вываду савецкіх войскаў з Афганістана» Медаль «60 гадоў Перамогі ў Вялікай Айчыннай вайне 1941—1945 гг.»

У Вікіпедыі ёсць артыкулы пра іншых людзей з прозвішчам Сянько.

Біяграфія

Нарадзіўся ў 1967 годзе. У 1992 годзе скончыў Гродзенскі дзяржаўны ўніверсітэт імя Янкі Купалы, у 2006 годзе — Акадэмію кіравання пры Прэзідэнце Рэспублікі Беларусь^[3].

Працаваў інспектарам, старшым інспектарам, галоўным інспектарам, начальнікам аддзела, намеснікам начальніка Гродзенскай рэгіянальнай мытні. З 2002 па 2011 год быў начальнікам Гродзенскай рэгіянальнай мытні, з 2011 года — начальнікам Мінскай рэгіянальнай мытні.

6 лістапада 2014 года быў прызначаны на пасаду старшыні Дзяржаўнага мытнага камітэта^[2].

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь^[4], а 17 снежня 2015 года ўказам Прэзідэнта № 500 зноў зацверджаны на пасадзе старшыні камітэта^[5]. 19 лістапада 2020 года вызвалены ад пасады старшыні ДМК і прызначаны паслом Беларусі ў Кітаі^[6].

Юрый Сянько быў вызвалены ад пасады пасла 20 лістапада 2023 года^[7]. У красавіку 2024 года ён узначаліў Федэрацыю прафсаюзаў Беларусі^[8] і быў выбраны дэлегатам на Усебеларускі народны сход 7-га склікання ад Федэрацыі прафсаюзаў Беларусі^[9].