Юрый Белазор

Юрый Белазор (каля 1622 — 17 мая 1665) — дзяржаўны і рымска-каталіцкі дзеяч Вялікага Княства Літоўскага. Біскуп смаленскі (1658—1661) і віленскі (ад 1661).

Юрый Белазор
польск.: Jerzy Białłozor
Вянява
біскуп віленскі з 21 лістапада 1661
Дыяцэзія	Віленскае біскупства
Папярэднік	Ян Караль Даўгяла Завіша
Пераемнік	Аляксандр Казімір Сапега
біскуп смаленскі з 18 сакавіка 1658
Дыяцэзія	Смаленская дыяцэзія
Папярэднік	Геранім Уладзіслаў Сангушка
Пераемнік	Казімір Пац
Адукацыя	Віленскі ўніверсітэт
Дзейнасць	каталіцкі святар, каталіцкі біскуп
Нараджэнне	1622
Смерць	17 мая 1665(1665-05-17) Бяла Падляска, Берасцейскі павет, Берасцейскае ваяводства, Вялікае Княства Літоўскае
Пахаванне	Кафедральны сабор Святога Станіслава
Дынастыя	Белазоры
Бацька	Крыштаф Белазор
Маці	Ядвіга з Гедройцаў[d]

Біяграфія

Прадстаўнік шляхецкага роду Белазораў гербу «Вянява», сын Крыштафа, старосты абельскага, і Ядвігі з Гедройцаў.

Скончыў Віленскую акадэмію, зрабіўся ксяндзом. Быў каралеўскім сакратаром, пісарам cкарбовым літоўскім, канонікам віленскім, пробашчам капліцы Святога Казіміра ў Віленскай кафедры, рэгентам меншай канцылярыі ВКЛ (1650—1655), кусташам віленскім (ад 1652).

Вымушана падпісаў ад імя віленскага капітула Кейданскі дагавор 1655 года пра унію ВКЛ і Швецыі. У Верках у 1663 заклаў Віленскую Кальварыю як воту па вызваленне бацькаўшчыны^[1]. За ахвяраванні часткі скарбу капліцы Св. Казіміра на патрэбы разбуранае пасля вайны краіны атрымаў прыхільнасць Яна Казіміра Вазы. Быў ініцыятарам адбудовы віленскае кафедры.

Зноскі

1. ЭнцВКЛ 2005.