Юрый Васілевіч Казіятка

Юрый Васілевіч Казіятка (нар. 24 красавіка 1964, Брэст, БССР) — беларускі журналіст і тэлевядучы, прапагандыст рэжыму Лукашэнкі^[1]. Былы фігурант Чорнага спісу ЕС.

Юрый Васільевіч Казіятка
Кіраўнік агенцтва «Мінск-Навіны» з 28 жніўня 2018
Папярэднік	Кацярына Дубінская
3-і кіраўнік «Сталічнага тэлебачання» снежань 2005 — 6 лютага 2018
Папярэднік	Аляксандр Зімоўскі
Пераемнік	Ігар Луцкі
Член Савета Рэспублікі Нацыянальнага сходу Беларусі 19 кастрычніка 2012 — 12 кастрычніка 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Нараджэнне	24 красавіка 1964(1964-04-24) (61 год) Брэст, Брэсцкая вобласць, Беларуская ССР, СССР
Грамадзянства	СССР → Беларусь
Адукацыя	Курганскае вышэйшае ваенна-палітычнае авіяцыйнае вучылішча  (руск.)
Узнагароды

Біяграфія

Скончыў з адзнакай Курганскае вышэйшае ваенна-палітычнае авіяцыйнае вучылішча  (руск.). Працаваў сакратаром камітэта камсамола, памочнікам начальніка палітаддзела па камсамольскай рабоце, ваенным журналістам: карэспандэнтам шматтыражкі, начальнікам аддзела навінаў газеты Ціхаакіянскага флоту Расіі, начальнікам аддзела інфармацыі ваеннай тэлерадыёстудыі ў Беларусі. Працаваў тэлевядучым інфармацыйнай праграмы на тэлеканале «Усход-ТБ» (г. Уладзівасток, Расійская Федэрацыя). У пачатку 1990-х гадоў звольніўся з Узброенных сіл Расіі.

Прайшоў перападрыхтоўку ў Акадэміі кіравання пры Прэзідэнце Рэспублікі Беларусь з адзнакай па спецыяльнасці «Міжнародныя адносіны».

Рыхтаваў праграму «Арсенал» на ВаенТБ. Быў палітычным аглядальнікам, аўтарам і вядучым грамадска-палітычных праграм «Тэма дня», «Панарама» па суботах у Белтэлерадыёкампаніі, вядучым праграмы «Масква-Мінск» на тэлеканале «Расія», галоўным рэдактарам службы навін тэлеканала «АНТ» (аўтарам і вядучым дакументальнага цыклу «Найноўшая гісторыя Беларусі», гран-пры першага ў Беларусі тэлевізійнага конкурсу «Тэлевяршыня»), генеральным дырэктарам закрытага акцыянернага таварыства «Другі нацыянальны тэлеканал».

Прызначаны прэзідэнтам Рэспублікі Беларусь членам Савета Рэспублікі Нацыянальнага сходу Рэспублікі Беларусь 5-га склікання. Быў членам Пастаяннай камісіі Савета Рэспублікі Нацыянальнага сходу Рэспублікі Беларусь па міжнародных справах і нацыянальнай бяспецы.

Са снежня 2005 года да 6 лютага 2018 года — генеральны дырэктар ЗАТ «Сталічнае тэлебачанне». Вёў аўтарскую праграму «Палітыка». Прызначаны намеснікам дырэктара па развіцці агенцтва «Мінск-Навіны».

Санкцыі ЕС

Казіятка станавіўся суб’ектам забароны на паездкі і замарожвання актываў Еўрапейскім Саюзам як частка Чорнага спісу Еўрасаюза пасля прэзідэнцкіх выбараў 2010 года як кіраўнік СТБ^[2]. Згодна з рашэннем Савета Еўрапейскага саюза ад 15 кастрычніка 2012 года, перадача «Карціна свету», аўтарам і вядучым якой быў Казіятка, «з’яўляецца інструментам дзяржаўнай прапаганды, якая падтрымлівае і апраўдвае рэпрэсіі супраць дэмакратычнай апазіцыі і грамадзянскай супольнасці. Дэмакратычная апазіцыя і грамадзянская супольнасць сістэматычна асвятляюцца негатыўна і зневажальна, выкарыстоўваючы падробленую інфармацыю. Казіятка быў асабліва актыўны ў гэтых адносінах пасля разгону мірных дэманстрацый 19 снежня 2010 года і наступных акцый пратэсту»^[3][4].

Прэміі

• Лаўрэат Дзяржаўнай прэміі Рэспублікі Беларусь у галіне літаратуры, мастацтва і архітэктуры (2004, у аўтарскім калектыве) — за стварэнне дванаццацісерыйнага дакументальнага фільма «Найноўшая гісторыя».

Зноскі

1. Годами врали с экранов, а потом оказались не нужны начальству. Рассказываем о судьбах четырех заметных пропагандистов из 90‑х (руск.). Zerkalo.io. Беларуская асацыяцыя журналістаў (19 красавіка 2023). Праверана 5 ліпеня 2024.
2. Поўны спіс 208 беларускіх чыноўнікаў, якім забаронены ўезд у ЕС  (бел.). Наша Ніва (11 кастрычніка 2011). Архівавана з першакрыніцы 22 кастрычніка 2017.
3. COUNCIL DECISION 2012/642/CFSP of 15 October 2012 concerning restrictive measures against Belarus
4. EUR-Lex - 32012D0642 - EN - EUR-Lex (англ.). EUR-Lex. Праверана 25 снежня 2020.