Юрый Пятровіч Гіль

Юры Пятровіч Гіль (11 снежня 1942, засценак Вашунава, цяпер Докшыцкі раён Віцебскай вобласці — 24 кастрычніка 2008, Вільнюс, Літва) — беларускі грамадскі дзеяч, заснавальнік Таварыства беларускай мовы імя Ф. Скарыны Віленскага краю.

Юрый Пятровіч Гіль
Род дзейнасці	грамадскі дзеяч, настаўнік
Дата нараджэння	11 снежня 1942(1942-12-11)
Месца нараджэння	Вашунава, акруга Глыбокае[d], Генеральная акруга Беларусь, Рэйхскамісарыят Остланд
Дата смерці	24 кастрычніка 2008(2008-10-24) (65 гадоў)
Месца смерці	Вільня, Віленскае гарадское самакіраванне, Віленскі павет, Літва
Месца пахавання	Параф’янава
Грамадзянства	Беларусь
Бацька	Пётр
Маці	Фэльця
Месца працы	Усесаюзнае таварыства «Веды»[d] Таварыства беларускай мовы імя Францішка Скарыны
Альма-матар	Мінскі дзяржаўны педагагічны інстытут імя Максіма Горкага (1968)
Член у	Беларускі народны фронт «Адраджэнне» Таварыства беларускай мовы імя Францішка Скарыны

У Вікіпедыі ёсць артыкулы пра іншых людзей з прозвішчам Гіль.

Біяграфія

Вучыўся ў Параф’янаўскай школе. У 1961—1964 гадах праходзіў тэрміновую у Савецкай Арміі, в/ч 52108 у Калінінградзе. Скончыў Мінскі педагагічны інстытут (1968), працаваў настаўнікам у Докшыцкім раёне. У 1972 годзе вярнуўся ў Мінск, працаваў у арганізацыі «Веды».

У часы Перабудовы ўзначаліў Мінскую раённую арганізацыю БНФ «Адраджэньне». Пасля пераехаў у Вільнюс, дзе стварыў Таварыства беларускай мовы імя Ф. Скарыны Віленскага краю, быў яго кіраўніком да канца жыцця (2008).

Быў дэпутатам Віленскага раённага самакіравання.

Пахаваны ў Параф’янаве (Докшыцкі раён) побач бацькоў, надпіс на надмагіллі «Юры Гіль, сын Пятра і Фэльці».

Дзейнасць

Гісторыка-этнаграфічны музей «Засьцянковая хатка» ў Вашунаве

Вядомы актыўнай дзейнасцю па мемарыялізацыі памяці дзеячаў беларускага адраджэння. Арганізаваў ушанаванне памяці Францішка Багушэвіча і Браніслава Тарашкевіча на Віленшчыне — усталяванне шыльды і крыжа на месцы дома Францішка Багушэвіча ў Свіранах, найменаванне вуліцы ў Лаварышках^[be-tarask] у гонар Браніслава Тарашкевіча.

У 1994 годзе заснаваў Гісторыка-этнаграфічны музей «Засьцянковая хатка» ў Вашунаве (цяпер не існуе).

У 1980-1990-х гадах выступаў з ініцыятывай стварэння чыгуначнага прыпынку каля Вашунава, але прыпынак за некалькі кіламетраў ад чыгуначнай станцыі Параф’янава прызналі не мэтазгодным.

Бібліяграфія

• Юры Гіль Адзін дзень у БНР // Ніва № 12 (2706), 23 сакавіка 2008.

Спасылкі

• Пайшоў у лепшы свет старшыня Таварыства Беларускай мовы Віленскага краю Юры Гіль Архівавана 22 студзеня 2021.
• Гіне сядзіба Юрыя Гіля ў Вашунаве з цікавай калекцыяй этнаграфічных рарытэтаў
• Пяць год таму памёр віленскі беларускі дзяяч Юры Гіль
• Наша Слова № 46(937), 18 лістапада 2009 года
• Свіраны на radzima.org
• Pawet.net 26(712)
• Чалавек памёр Архівавана 2 лютага 2022.