Яблыня дамашняя

Яблыня дамашняя, яблына ці яблана (Malus domestica) — пладовае дрэва сямейства ружавых.

Яблыня дамашняя
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Слівавыя Трыба:  Яблыневыя Род:  Яблыня Від:  Malus domestica
Міжнародная навуковая назва
Malus domestica (Suckow) Borkh., 1803
Сістэматыка на Віківідах Выявы на Вікісховішчы ITIS   516655 NCBI   3750 IPNI   726282-1 TPL   rjp-454

Апісанне

Дрэва вышынёй да 10 м, крона часцей шырокая, раскідзістая, радзей шара- або яйцападобная, часам ніцая. Лісце яйцападобнае, з завостраным канцом, гародчата-пілаватае, апушанае. Кветкі белыя, ружаватыя, у шчытках. Плады (яблыкі) з сакавітай мякаццю, рознай формы і памераў.

Пашырэнне

Галіна з пладамі

Важная пладовая культура, мае вялікае гаспадарчае значэнне. Шмат сартоў яблынь вырошчваецца ў спецыялізаваных гаспадарках, а таксама садаводамі-аматарамі. Скараспелыя сарты пачынаюць пладаносіць на 4-5-ы год, познія на 10-12-ы год пасля пасадкі. Перыяд гаспадарчага выкарыстання да 40-50 гадоў. На Беларусі плады выспяваюць у жніўні-верасні.

Трапляюцца здзічэлыя формы гібрыднага паходжання.

Літаратура

• Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
• Энцыклапедыя сельскага гаспадара / Рэдкал М. А. Ткачоў (гал. рэд.) і інш. — Мн.: БелЭн, 1993. — 736 с.: іл. ISBN 3-85700-079-3