Янова (свяцілішча)

Янова, таксама вядома як скопішча валуноў «Янава»^[1] — старажытнае прымітыўнае мегалітычнае збудаванне на мысе возера Янова каля Бікульніч у Полацкім раёне, за 25 км ад Полацка^[2]. Геалагічны помнік прыроды рэспубліканскага значэння з 19 сакавіка 2007 года^[1].

Славутасць
Янова
55°16′27″ пн. ш. 28°47′01″ у. д.HGЯO
Краіна	Беларусь

Складаецца з трох груп гнейсавых камянёў ружовага і чырвонага колеру, відавочна, звезеных з досыць далёкай ад пляцоўкі адлегласці. Камяні выкладзены ў выглядзе літары П, адкрытым бокам накіраванай на захад сонца ў дзень летняга сонцастаяння, на гару Валатоўку, каля падножжа якой месціцца вёска Свяціца. На ўзгорку, прыкладна за 200 м ад паверхні вады возера, знаходзіцца яшчэ адзін камень, на якім высечана стрэлка ў дакладным кірунку на гару Валатоўку.^[3]

Магчыма, пляцоўка створана каля 1-2 тысяч гадоў да н.э. і служыла свяцілішчам — месцам святкавання летняга сонцастаяння, чымсьці накшталт прымітыўнай абсерваторыі.^[3]

У прэсе і турыстычнай літаратуры часам называецца «беларускім Стоўнхенджам». На думку І. Каліноўскага, не мае аналагаў у Беларусі.^[3]