Янушова

Янушо́ва^[1] (трансліт.: Janušova, руск.: Янушово) — вёска ў Мядзельскім раёне Мінскай вобласці, за 11 км на поўнач ад Княгініна. Уваходзіць у склад Княгінінскага сельсавета.

Вёска Янушова Краіна Беларусь Вобласць Мінская Раён Мядзельскі Сельсавет Княгінінскі Каардынаты 54°46′32″ пн. ш. 27°12′36″ у. д.HGЯO Колькасць двароў 31 Насельніцтва 50 чалавек (1997) Часавы пояс UTC+3 Тэлефонны код +375 1797 Паштовы індэкс 222378 Аўтамабільны код 5 СААТА 6240820146 Янушова Янушова

Гісторыя

• У 1662 г. згадваецца ў складзе Ашмянскага павету ВКЛ^[2].
• 1847 год — з'яўлялася маёнткам Вілейскага павета Віленскай губерні. Маёнтак складаўся з 5 вёсак, 208 сялян, з іх 14 былі дваровымі сялянамі. З 1838 года маёнтак з'яўляўся ўладаннем В. Корсака.
• З 1888 года ў маёнтку працавала вінакурнае прадпрыемства, дзе ў 1890 годзе размяшчалася паравая машына і працавалі 6 рабочых.
• 1904 год — маёнтак Княгінінскай воласці Вілейскага павета Віленскай губерні. Маёнтак налічваў 86 жыхароў.
• 1921 год — калонія ў складзе Крывіцкай гміны Вілейскага павета Віленскага ваяводства. Калонія налічвала 29 двароў і 174 жыхароў.
• 1931 год — калонія ў складзе Крывіцкай гміны Вілейскага павета Віленскага ваяводства. Калонія налічвала 39 двароў і 230 жыхароў.
• З 12 кастрычніка 1940 года вёска знаходзіцца ў складзе Восаўскага сельсавета Крывіцкага раёна Вілейскай вобласці (з 20 верасня 1944 года — Маладзечанскай).
• 1949 год — створаны калгас «Ударнік».
• З 16 ліпеня 1954 года знаходзіцца ў складзе Княгінінскага сельсавета.
• 20 студзеня 1960 года вёска ўвайшла ў склад Мінскай вобласці.
• 1960 год — насельніцтва вёскі складала 179 жыхароў.
• З 25 снежня 1962 года вёска знаходзіцца ў складзе Мядзельскага раёна.
• З 1964 года вёска знаходзіцца ў складзе саўгаса «Восаўскі» з цэнтрам у вёсцы Восава.
• З 4 верасня 1991 года вёска знаходзіцца ў складзе калгаса «Восаўскі».

На 1 студзеня 1997 года вёска налічвала 31 двор і 50 жыхароў.

Вядомыя ўраджэнцы і жыхары

• Алег Бажэлка, Генеральны пракурор Беларусі

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. LVIA, f. SA, b. 1